Biografia
Tenente-General Domingos Raúl "Falur Rate Laek"
Naran: Domingos Raúl “Falur Rate Laek”
Data Moris: 9 Jullu 1955
Fatin Moris: Samaliu, Suku Ossu, Distritu Viqueque, Timor-Leste
Kargu/Funsaun: Tenente-Jenerál, Xefe Estadu-Maiór-Jenerál FALINTIL-FDTL nian
1. Infánsia no Edukasaun
Domingos Raúl “Falur Rate Laek” moris iha Samaliu, iha suku Ossu, iha Viqueque, iha loron 9 fulan-jullu tinan 1955. Mai hosi família agrikultór ne’ebé simples, nia nu’udar oan dahaat hosi maun-alin sanulu-resin-rua. Nia hahú nia edukasaun primária iha tinan 1964, remata iha tinan 1968 iha Loi-Huno, Ossu. Iha tinan 1973, nia tuir kursu intensivu Monitor Eskola nian.
2. Luta ba Ukun Rasik An
Ho invazaun Indonézia iha Timor Lorosa’e iha 7 Dezembru 1975, ho idade tinan 20, Falur Rate Laek envolve tiha ona iha apoiu lojístiku ba FALINTIL, ne’ebé hala’o operasaun nu’udar li,am kroat armada FRETILIN nian. Durante invazaun, nia organiza populasaun ba rezisténsia iha Ossu.
Entre Janeiru 1976 no Setembru 1977, nia servisu hanesan Asistente Polítiku iha Rejiaun Ravinas no zona kosteira Leste. Iha Setembru 1977, nia hetan transferénsia ba Setór Sentrál-Leste, iha ne’ebé nia asume kargu nu’udar Komandante Kompañia Forsa Autodefeza nian to’o tinan 1978. Durante períodu ne’e, Operasaun Serku no Anikilamentu ne’ebé hala’o hosi forsa Indonézia sira halo rezisténsia barak lakon iha kampo batalla.
Iha tinan 1979, tanba difikuldade ne’ebé hasoru no destruisaun ba baze apoiu sira, Falur Rate Laek entrega-an ba militár Indonézia hodi proteje nia ema sira no kontribui nafatin ba rezisténsia.
3. Kontinuasaun ba Luta no Reorganizasaun
Husi tinan 1980 to’o 1983, nia asumi kargu nu’udar Komandante 2ª Kompañia MIPLIN (Milísia Populár ba Libertasaun Nasionál), fó apoiu ba gerrilleiru sira ho informasaun no lojístika. Iha tinan 1984, kaer kargu nu’udar 2º Komandante ba 3º Kompañia FALINTIL nian. Iha tinan sira tuir mai, nia hetan nomeasaun nu’udar Komandante Kompañia A Unidade 4 FALINTIL nian no, iha tinan 1985-1989, Komisáriu Polítiku ba rejiaun Viqueque a Same.
Iha tinan 1997, asumi kargu nu’udar Komandante no Sekretáriu Rejiaun 3, ne’ebé kobre Viqueque, Manatuto, Aileu no Same, mantein kna’ar ne’e to’o tinan 1999.
4. Hafoin Referendu 1999
Hafoin referendum iha loron 30 fulan Agostu tinan 1999, iha ne’ebé povu Timor Lorosa’e vota ba ukun rasik-an, tuir mai mosu periódu violénsia ida. Falur Rate Laek hetan nomeasaun nu’udar Ofisiál Ligasaun FALINTIL ho INTERFET ba rejiaun fronteira Norte. Nia mós partisipa iha delegasaun rekonsiliasaun oioin entre FALINTIL no eis integrasionista Indonézia sira.
5. Kareira Militár Pós-Independénsia
Husi tinan 2001 to’o 2007, Falur Rate Laek nu’udar Komandante 1º Bataliaun F-FDTL nian, superviziona mós kursu formasaun dahuluk ba Ofisiál no Sarjentu sira iha Aileu. Iha tinan 2009, nia hetan promosaun ba koronel no, hosi tinan 2010 to'o tinan 2011, nia asume temporariamente knaar hanesan Xefe Estadu-Maiór F-FDTL nian, nomeadu ofisialmente iha fulan-setembru tinan 2011.
Iha 2018, nia hetan promosaun ba Brigadeiru-Jenerál no, iha 2021, ba Majór-Jenerál. Iha inísiu tinan 2022, nia hetan promosaun ba Tenente-Jenerál no nomeia nu'udar Xefe Estadu-Maiór-Jerál FALINTIL-FDTL nian.
6. Kursu no Formasaun
- Estájiu Komandu Operasionál no Forsa sira iha Portugál.
- Kursu Ofisiál Tribunál iha Metinaro (CICNL).
- Kursu Formasaun ba Ofisiál no Sarjentu sira F-FDTL nian, iha Aileu (2000).
7. Louvor no Dekorasaun sira
- Louvor husi PKF (Forsa Manutensaun-Paz), iha tinan 2000.
- Orden da Guerilleiru, kondekorasaun ne’ebé fó husi Prezidente RDTL.
- Medalla de Méritu Timor-Leste.
- Medalla Halibur, ba servisu ne’ebé presta iha operasaun konjunta F-FDTL ho PNTL iha tinan 2007.
- Medalla Cruz de S. Jorge, 1ª Klase, ne’ebé entrega husi Xefe Estadu Maior Jenerál Forsas Armadas Portugal nian.
8. Atividade sira seluk
Tenente-Jenerál Domingos Raúl “Falur Rate Laek” ko’alia tetum ho fluente, portugés no malaiu-indonézia. Nia partisipa ona iha semináriu no palestra sira kona-ba Defeza, Sidadania no Patrimóniu Istóriku. Aleinde ne'e, nia publika livru “ O Voo do Pombo” iha 2018.
9. Moris Pesoál
Falur Rate Laek kaben ho Rosa Maria Quintão dezde tinan 1982 no iha oan na’in haat: Maria Assunção, Mimízia, Hilária no José António.
Major General CALISTO SANTOS "COLIATI"
Naran: Calisto dos Santos
Naran Kodigu: Coliati
Data Moris: 10 agosto 1959
Fatin Moris: Suku Darulete, Postu administrativu Likisa, Timor-Leste
Kargu/Funsaun: Vice Chefe Estado Maior General F-FDTL
1. Edukasaun
Husi tinan 1967 to’o 1971 frekuenta Colégio Infante de Sagres iha Maliana, tuir mai kontinua iha eskola Profesór Indústria Komersiál Eskola Silva Cunha iha Dili, ho kursu iha area enjeñaria sivíl. Esola Ekonomia Média Superiór iha Vila de Liquiçá. Hafoin Timor-Leste hetan nia Independensia, Coliati kontinua nia estudu iha Fakuldade Relasaun Internasionál Universidade da Paz (UNPAZ) iha Dili. Iha tinan 2003 Coliati kontinua nia kursu lideransa iha Canungra (Queensland, Austrália) no husi Jullu 2004 to’o Dezembru 2005, nia kompleta estudu pós-doutoramentu iha Koléjiu Komandu no Estadu-Maior Austrália nian husi Universidade Wollongong iha jestaun komérsiu defeza. Iha tinan 2008 halao estudu kona-ba estratéjia seguransa iha Hawaii. Iha tinan 2009 tuir kursu ida ba observadór militár ONU nian iha Malázia no iha tinan 2012 kursu estratéjia no lideransa nian iha Indonézia.
2. Pasajem Istoriku
Hafoin UDT nia tentativa golpe iha Timor Portugues iha 11 Agostu 1975, funu sivil mosu entre UDT ho FRETILIN. Coliati tama iha Forças Armadas de Libertação Nacional de Timor-Leste (FALINTIL) iha fulan Setembru iha Darulete, ala militár FRETILIN nian, no partisipa iha operasaun sira hasoru Fazenda Algarve, eransa família maun-alin Carrascalão nian, ne’ebé halo lideransa UDT nian inklui. Depois unidade ne’e muda ba Dili. Iha tinan 1976, Indonézia hahú okupa Timor Lorosa’e ne’ebé FALINTIL sira luta hela. Husi tinan 1977 to’o loron 16 fulan Abril tinan 1979, Coliati halo funu nu’udar gerrilleiru iha unidade Brigada de Choque iha setór Fronteira Norte rezisténsia nian. Iha tinan 1984, Coliati sai membru rezisténsia iha Vila de Liquiçá. Nu'udar sekretáriu adjuntu, nia uza naran kódigu OCR Dailor. Nia hetan kaer hosi Tentara Nasionál Indonézia iha tinan 1990 no lori ba komarka iha Caicoli (Dili), depois fila ba Kodim (Komandu Distritu Militár) 1638 iha Liquiçá. Depois Coliati hetan fali liberdade. Iha 13 Setembru 1994, nia hetan nomeasaun nu’udar Sekretáriu Rejionál (ODIR) iha Liquiçá hosi Nino Konis Santana, no iha tinan 1998, iha enkontru Rezisténsia nian iha Viqueque. Sekretáriu Adjuntu ba Rejiaun 4, ho responsabilidade ba asuntu polítiku no militár iha fronteira súl ho Indonézia.
3. Kareira
Iha tinan 1999, Indonézia sai husi Timor Lorosa'e no nasaun ne'e tama iha administrasaun ONU nian. Colati sai nu’udar ligasaun ofisiál FALINTIL nian ba Forsa Internasionál Timor Lorosa’e (INTERFET) iha setór Osidentál, hafoin sai nu’udar sekretáriu asistente FALINTIL nian iha akampamentu Aileu. Akampamentu ida husi akampamentu haat ne’ebé funu-na’in FALINTIL sira halibur malu nu’udar preparasaun ba pás. Coliati mos sai asistente diretór ba rekrutamentu dahuluk ba Forsa Defeza Timor-Leste (F-FDTL) iha Aileu.
Iha tinan 2002 Coliati sai xefe operasaun iha F-FDTL 1º batalhaun iha Lospalos. Husi tinan 2003 to’o 2004 nu’udar segundu komandante ba sentru formasaun iha Metinaro no husi tinan 2006 nu’udar xefe operasaun iha Kuartél Jeneral. Durante estadu emerjénsia iha fulan Fevereiru 2008 hafoin tentativa asasinatu iha Dili, Coliati hetan nomeasaun nu'udar Komandante ba Operasaun HALIBUR, ne'ebé ho objetivu atu hadi'a fali pás no estabilidade liu husi kapturasaun ba petisaun sira.
Husi Juñu 2014 to’o Jullu 2018 Coliati, nu’udar adidu militár iha embaixada Timor-Leste iha Canberra (Austrália). Iha tinan 2022 hetan promosaun ba Vice Xefe Estado Maior Jeneral F-FDTL.
4. Prémiu, dekorasaun no prémiu
- Medalla Halibur Operasaun Konjunta
- Prémiu ba estudante estranjeiru di'ak liu hosi Institutu LEMHANAS
5. Abilidade Seluk
- Major Jeneral Coliati fluente iha lian Portugus, Ingles, Indonezia no Tetum
- Nia partisipa ona iha semináriu no konferénsia sira kona-ba asuntu seguransa no defeza.
- Nia lidera delegasaun F-FDTL no Defeza iha negosiasaun bilaterál ho nasaun amigavel sira iha okaziaun oin-oin
Atualemente, sei atua nafatin nu’udar Vice Xefe Estado Maior Jeneral F-FDTL.
Brigadeiro-General JOSÉ DA COSTA SOARES “TRIX”
Naran Kompletu: José da Costa Soares
Naran Kodigu: Trix
Data Moris: 10 abril 1960
Fatin Moris: Waibobo, Ossu, Vikeke
Kargu/Funsaun: Chefe Estado Maior F-FDTL
Postu: Brigadeiro Jeneral
1. Edukasaun
Nia hahú estuda eskola bázika iha Colégio Santa Teresinha Ossu to’o Quarta Classe. No nia kontinua nia estudu sekundáriu iha eskola enjeñaria seralharia nian, iha Dili, ho departamentu mekanika nian. Iha tempu ne’ebé nia hala’o nia prosesu aprendizajen, nia mós partisipa iha organizasaun estudante, UNITIM (Uniaun Nasionál Estudante Timor), ne’ebé iha FRETILIN nia kontrola.
2. Periodo Gerillia
Tanba situasaun polítika, nia labele remata nia estudu, iha ne’ebé iha tinan 1974 Indonézia invade Timor Lorosa’e.
Iha organizasaun UNETIM no partido FRETILIN, husi tinan 1975 to’o 1978, nia hala’o kna’ar nu’udar asistente polítiku. Ho FRETILIN, nia mós partisipa iha luta hasoru invazaun Indonézia to’o baze apoiu rahun iha tinan 1978.
Iha ninia períodu gerrilleiru husi tinan 1978 to’o 1994, nia hala’o kna’ar nu’udar asistente polítiku, kolaboradór primeiro brigada no komandante kompañia FALINTIL. Nia mós hetan onra nu’udar membru veteranu frente armada nian no simu medalla “orden gerilla” husi prezidente RDTL dr. José Ramos Horta iha tinan 2010.
Iha tinan 1993 nia hetan kaptura husi Tentara Nasional Indonézia (TNI Batalliaun 112) no dadur iha Prizaun Baukau no transfere ba Komandante Nangalla iha Dili durante tinan rua.
Nia sai husi prizaun iha tinan 1995 no servisu iha Cruz Vermelha Internacional iha seksaun lojístika to’o tinan 1997. Iha tinan 1998 dala ida tan nia hetan detensaun no dadur iha Dili husi komandu Nangala.
3. Pos-Referendu
Iha tinan 1999 nia rohan, nia simu xamada husi komandante FALINTIL atu konsentra iha Aileu, nune’e nia bele partisipa iha transformasaun forsa gerilla FALINTIL ba Forsa Defeza Timor Lorosa’e (F-FDTL) iha tinan 2001.
Iha tinan 2000, nia hetan nomeasaun husi ofisiál ligasaun FALINTIL ba PKF ho funu Tailándia, Koreia no Filipina iha setór súl.
Iha tinan 2001 nia hahú formasaun báziku ezérsitu nian iha Aileu ho instrutór portugés sira no hetan promosaun ba pozisaun kapitaun no serbisu kedas iha seksaun fornesimentu lojístiku F-FDTL nian no mós nu'udar komandante komponente apoiu servisu nian iha 1ª batallaun ne'ebé nia baze ba iha Lospalos. Lidera husi komandante batallaun, Tenente Corenel Falur Rate Laek ne’ebé oras ne’e sai nu’udar Xefe Estadu Maiór Jenerál F-FDTL ho kargu nu’udar Tenente Jenerál.
4. Kareira Militar
Husi Agostu 2004 to'o Jullu 2005 tuir kursu komandu kolejiu nian iha Xina, iha sidade Nangjing.
Iha Agostu 2005, nia tuir Kursu Promosaun Ofisial Senior (CPOS) iha CICNL no hetan promosaun ba Major iha Dezembru 2005.
Husi tinan 2006 to’o 2010, nia hetan nomeasaun nu’udar xefe lojístika (J4) iha F-FDTL.
Iha tinan 2008 nia hala’o servisu nu’udar Ofisiál lojístika hodi partisipa iha ezersísiu Felinu nian iha Portugál husi nasaun sira CPLP nian.
Iha Maiu 2009 tuir kursu lojístika manutensaun pás nian iha Sentru Manutensaun Pás Malázia (MPTC) Port Dickson.
Iha Jullu 2009 nia partisipa iha espozisaun teknolojia iha Brunei Darusalam.
Husi tinan 2010 to’o tinan 2011 nia rohan, nia hetan nomeasaun nu’udar 2º komandante komponente apoiu no servisu (CAS) no hetan promosaun ba Tenente Corenel. Iha tinan hanesan nia hetan nomeasaun hanesan xefe ekipa F-FDTL nian hodi partisipa iha planeamentu inísiu ba ezersísiu Felinu nian iha Angola Cabuledo.
Iha inísiu semestre 2012, ho graduasaun Koronél, nia hetan nomeasaun nu’udar xefe estadu maiór F-FDTL. No iha tinan ida ne’e nia mos hetan nomeasaun nudar Xefe Casa Militar ba Prezidente RDTL iha periodu 2012-2017 no hetan promosaun tarde oituan ba Koronel.
Iha 2014 tuir kursu iha Sentru Estudu Seguransa Ázia Pasífiku (APCSS) iha Honolulu, Estadus Unidus, iha área kursu Kooperasaun Seguransa Transnasionál (TSC).
Relasiona ho hala’o serbisu tinan lima nu’udar Xefe Casa Militár bainhira simu orden medalla Timor Lorosa’e husi prezidente RDTL, husi 30 Maiu 2012 to’o 20 Maiu 2017.
iha Juñu 2017 nia fila fali nu’udar Xefe Estadu MaiórF-FDTL.
Durante tinan tolu, hahú husi Juñu 2018 to’o Juñu 2021 nomeia nu’udar Adidu Defeza Militár F-FDTL iha Austrália Canberra.
Iha loron 11 fulan-abríl tinan 2022, nia hetan nomeasaun nu'udar Komandante ba komponente Terrestre iha Baukau.
Mandatu Komandante komponente terestre seidauk remata. Maibé, iha fulan-jullu 2023 nia simu mandatu foun nu'udar Xefe Estadu-Maiór interinu F-FDTL nian. Nia hetan promosaun ba Brigadeiru-Jenerál iha loron 17 fulan-Agostu tinan 2023 no publika iha jornál Republika. Iha loron 30 fulan-Outubru tinan 2023, nia hetan pose lejítimu nu'udar xefe Estadu-Maiór F-FDTL nian.
Brigadeiru Jenerál Trix bele ko'alia Tetum, Portugés no Bahasa Indonézia uitoan no Inglés
