Misaun no Vizaun
F-FDTL nia misaun primária, tuir definisaun konstitusionál, maka atu garante defeza militár hasoru agresaun ka ameasa esterna ruma, la haree ba nia natureza.
Aleinde misaun jenérika ne’ebé temi iha númeru anteriór, F-FDTL bele kumpre ninia kompromisu internasionál sira iha ámbitu militár, hodi partisipa iha misaun umanitária no apoiu ba pás, no mós iha asaun kooperasaun tékniku-militár.
Iha Sistema Integradu Seguransa Nasionál nian, F-FDTL kolabora, tuir termu sira lei nian, hodi fó apoiu ba autoridade sivíl sira iha misaun no tarefa sira Protesaun Sivíl nian ne’ebé relasiona ho hatán ba nesesidade bázika sira no hadi’a populasaun nia kualidade moris, inklui iha situasaun sira kalamidade públika ne’ebé la justifika suspensaun ba ezersísiu direitu nian.
Misaun Espesífika sira F-FDTL nian ne’ebé mosu hosi misaun sira ne’ebé hatuur iha númeru sira liubá, ne’ebé elabora tuir proposta CEMGFA nian, sei hetan aprovasaun hosi membru Governu ne’ebé iha kompeténsia iha área Defeza nian, hafoin konsulta Konsellu Superiór ba Defeza no Seguransa.
