Kuarta-Feira 13 Abril 2026

(𝐌𝐞𝐝𝐢𝐚 𝐂𝐓) Militár FALINTIL-Forsa Defeza Timor-Leste (F-FDTL), husi Componente Terrestre nain-9 kompostu husi ofisiais nain-6, sargento nain-3, tuir formasaun kona-ba Jornada lideransa-nian ne'ebé fasilita husi Asesór Portugal, Tenente Koronel Andre Salvador Pereira de Barros nomos Kapitaun Diogo Da Guarda.

Objetivu husi formasaun refere foku liu ba jornada lideransa hanesan, Dezemvolve kapasidade lideransa-militár husi nivél hotu-hotu hodi reforsa esperitu koesaun disiplina no misaun. Kria espasu aprendisajen ho prátika no fahe esperensia, Promove Valor militár sira-nian husi Onra lealidade korajem disipliña no respeitu.

Formasaun lideransa ne'e ho durasaun loron haat hahú husi loron 13 tó 16 fulan abril 2025.

Ekipa Media CT

(𝐌𝐞𝐝𝐢𝐚 𝐂𝐓) Sabadu semana ida ne'e, militar F-FDTL husi Componente Terrestre (CT) hahu husi ofisiais to prasa, halo ezerisiu fiziku ,dudu kareta kamioneta ho kilo metru 6 km husi Kaisidu to baze CT Lanud Baucau.

Atividade refere hanesan atividade rutina kada fim de semana ne'ebé halo husi militar sira.Nune bele mantein nafatin fiziku ne'ebé forte no seguru.

Ekipa Media CT

Tersa Feira, 07 Abril 2026

(Media CT) Instítuisaun FALINTIL- Forsa Defeza Timor-Leste (F-FDTL), liu husi seksaun, Iguladade Jeneru, hamutuk ho UN Women, halo sosializasaun ba militár husi Componente Terrestre kona-ba feto paz no seguransa.

Objetivu prinsipál sira husi workshop ne'e, atu hametin komprensaun kona-ba enkuadramentu globál, rejionál, nasionál prinsipál sira kona-ba igualdade jéneru no feto, Pas no Seguransa.

Husi parte ne'e Atu esplora dezafiu sira, seguransa-nian ne'ebé mosu iha Timor-Leste, inklui dezastre sira ne'ebé kauza husi klima, risku Seguransa sibernetika, inklui ameasa transnasionál liuhosi perspetiva Feto, Pás no Seguransa.

Husi faktor hirak ne'e UN OMEN ho F-FDTL kontinu promove inklusivu liuhusi envolvimentu sivíl-militár ho lina ministériu relevante, parseiru, sosiedade sivíl-sira hodi hametin protesaun ba Feto no labarik-feto sira.

Formasaun refere hala'o loron rua, hetan apoiu hosi projetu rejionál UN Women, apoiu jenerozu hosi Governu Kanadá liuhosi Programa Kooperasaun Formasaun Militár no fasilitador sira mai husi Ministrio Interior, Secretaria Estado Igualdade Fundasaun Hadomi Timor, ne'ebé mak organiza husi Seksaun Igualdade Jeneru F-FDTL.

Aktvidade refere abertura husi Segundu Komandante Componente Terrestre Tenente Coronel Alrindo da Silva "LOES",.iha ne'ebé hetan partisipasaun husi militar F-FDTL Componente Terrestre.

Ekipa Media CT

Sexta Feira 27 Marsu 2026

(𝐌𝐞𝐝𝐢𝐚 𝐂𝐓) Komandu Componente Terrestre ho Defence Cooperation Program (DCP) husi nasaun Australia ensera treinamentu Operasional iha Baze CT Baucau.

Iha diskursu reprezentante Adido Defeza Australia, Tenente Coronel Philip Butt, hateten treinamentu ne'e kontinua hametin kooperasaun entre Austrália no Timor-Leste iha area Defeza.

“Ami iha nafatin kompromisu atu hatán ba Timor-Leste nia prioridade sira no servisu hamutuk iha parseria ida ne'ebé real no forte liu.”

Tenente Coronel Philip Butt subliña, importánsia husi relasaun sira hodi garante susesu kontínuu husi parseria iha dezenvolvimentu kapasidade nomos kontinua fo kusru treinamentu ba militar sira.

"Kursu ne'e sai hanesan ezemplu ida kona-ba saida maka bele atinji bainhira ita serbisu hamutuk iha parseria real e forte, no iha hau nia pozisaun privilejiadu nudar asistente Adidu Defeza Austrália nian mai nasaun neebe furak hanesan Timor Leste, ha'u hein atu fila fali ba serimónia no atividade formasaun barak liután iha futuru", nia hatutan.

Iha fatin hanesan Komandante Componente Terrestre Coronel Operasaun Espesiais, Domingos da Costa Soares “DOBU” agradese ba DCP tanba liu husi programa ne'e bele eleva tan kapasidade militar sira nian.

Treinamentu refere realiza durante semana haat, iha ne'ebé hetan partispasaun husi militar F-FDTL CT.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐓