(𝑴𝒆𝒅𝒊𝒂 𝑪𝑭𝑻) komandu Componente Forsa Terrestre (CFT), ohin Segunda-feira, loron 07/07/2025, hasa’e Bandeira nasionál Repúblika Demokrátika Timor- Leste (RDTL) ba loron dahuluk fulan jullu tinan 2025 iha baze Baucau , nomos iha postu destakadu sira iha teritoriu nasionál.

Hafoin hasae bandeira liu husi tervensaun Segundu komandante CFT,Tenente-Coronel Arlindo Da Silva “Loes” nafatin husu ba militar hotu-hotu mantein kumpri ordem hodi halao misaun hotu-hotu ho susesu.

Bandeira Nasionál hanesan Simbolu nasional RDTL nian. Nune’e kada fulan primeiru husi loron inisiu,Instituisaun hotu-hotu inklui Instituisaun FALINTIL-forsa Defeza De Timor-Leste hasa’e bandeira Nasional Timor-Leste hodi fo honra, no hananu hino nasional ”Patria Patria”.

𝐌𝐞𝐝𝐢𝐚 𝐂𝐅𝐓

(𝐌𝐞𝐝𝐢𝐚 𝐂𝐅𝐓) segundu komandante Componente Força Terrestre (CFT) Tenente-Coronel Arlindo Da Silva "Loes" halo enseramentu ba treinamentu abilidade militar, ne'ebé treina husi militar CFT nomos Unidade Polisia Militar (PM) durante semana-4.

Treinamentu refere hanesan parte ida hodi halo kapasitasaun ba militar-sira kona-ba Nivel Planamentu Nivel Tatiku, nomos hasae kapasidade fiziku prontidaun militar sira nian, hodi ba halo kompetisaun ne'ebé sei realiza iha Componente Naval Hera iha Fulan Jullu 2025.

"Treinamentu ida ne'e laos de'it ba halo kompetisaun, maibé oinsá atu sukat ita-nia kapasidade to iha ne'ebé, parte seluk oinsá halo ita bele koñese malu di'ak liu taan militár-sira husi Componente Naval no Componete Aerea", deklara Tencor Arlindo Da Silva iha baze CFT, Kinta feira ( 03/07/2025).

Nia hatutan husi kompetisaun ne'ebé sei kompete husi Componente tolu, CFT, CN, CA, bainhira manan ou lakon, ne'e normal, importante nafatin mantein Vontade, Pontualidade disiplina nune'e, atividade ne'e bele lao ho susesu.

Preparasaun Treinu ne'ebé durante ne'e militar husi CFT prepara mak hanesan; Prosedimentu Komandu, Tiru, Fiziku, inklui Nani.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐅𝐓

(Média CFT) Representante Comando Componente Forsa Terrestre (CFT), liu husi, Tenente-Coronel Helio Filipe Dias Quintas aktual komandante 1⁰ Batalhão, ható bemvindu ba kapitaun Barsilio Do Rosario ne’ebe transferensia mai husi Quartel General (QG).

Militar refere transfere mai CFT iha loron, 23/04/2025, hafoin to iha fatin komandu fó rekoñesimentu ba militar ne'e kona-ba ambiente CFT nian, ho instrusaun ne’ebé komandu prepara.

Hafoin remata instrusaun iha loron Quinta-feira, 15/05/2025, Tenente-Coronel Helio Filipe Dias Quintas reprezenta komandu taka emblema Componente nian hodi simboliza hanesan militar CFT.

Ekipa Média CFT

(𝐌𝐞𝐝𝐢𝐚 𝐂𝐅𝐓) Reprezentante Comando Componente Força Terrestre (CFT) liu husi 2° Komandante, Tenente-Coronel Arlindo da Silva "Loes, ho militár menus Kompañia ida Partisipa Iha komemorasaun loron restaurasaun Independensía 20 de maiu ba dala-XXIII, ne'ebé realiza iha resintu administrasaun Munisipiu Baucau.

Komemorasaun loron importante ba tinan ne'e ho tema "Hamutuk Paz no Dezenvolvimentu" hanesan refleksaun ida ba povu Timor-Leste hodi kria paz no estabilidade hodi kontribui ba dezenvolvimentu nasionál.

Husi tema ne'e, liu husi diskursu Prezidenti da Repúblika Demokrátika De Timor-Leste José Ramos Horta ne'ebé lee husi Prezidenti Autoridade Munisipiu Baucau Veneranda Lemos, hateten kontribuisaun ema hotu-hotu ba asaun paz mak sei lori Dezenvolvimentu sustentabilidade ba Povu no nasaun nia-moris di'ak.

Loron 20 Maiu 2002, hanesan loron ne'ebé ai Timor-Lorosa'e, nakfila sai nasaun Repúblika Demokrátika De Timor-Leste (RDTL), nu'udar nasaun ne'ebé independente no soberanu iha mundu Rai klaran.

Serimonia ne'ebé realiza iha Baucau iha mos kompetisaun tradisional, inklui kompetisaun dada-tali.

Nune serimonia refere partisipa militar no sivil sira Kompostu husi komunidade, Veteranus, militar husi FALINTIL-Forsa Defesa Timor-Leste (F-FDTL), Componente Forsa Terrestre (CFT) Polisia Nasional Timor-Leste (PNTL) Munisipiu Baucau, Seguransa sivil,korpu Bombeiros inklui Estudante sira.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐅𝐓