Komponente Terrestre (TT)

2° 𝐊𝐨𝐦𝐚𝐧𝐝𝐚𝐧𝐭𝐞 𝐂𝐅𝐓 𝐄𝐧𝐬𝐞𝐫𝐚 𝐓𝐫𝐞𝐢𝐧𝐚𝐦𝐞𝐧𝐭𝐮 𝐀𝐛𝐢𝐥𝐢𝐝𝐚𝐝𝐞 𝐌𝐢𝐥𝐢𝐭á𝐫

Media F-FDTL QG Komponente Terrestre (TT) 15 julho 2025 0 minutes read

(𝐌𝐞𝐝𝐢𝐚 𝐂𝐅𝐓) segundu komandante Componente Força Terrestre (CFT) Tenente-Coronel Arlindo Da Silva "Loes" halo enseramentu ba treinamentu abilidade militar, ne'ebé treina husi militar CFT nomos Unidade Polisia Militar (PM) durante semana-4.

Treinamentu refere hanesan parte ida hodi halo kapasitasaun ba militar-sira kona-ba Nivel Planamentu Nivel Tatiku, nomos hasae kapasidade fiziku prontidaun militar sira nian, hodi ba halo kompetisaun ne'ebé sei realiza iha Componente Naval Hera iha Fulan Jullu 2025.

"Treinamentu ida ne'e laos de'it ba halo kompetisaun, maibé oinsá atu sukat ita-nia kapasidade to iha ne'ebé, parte seluk oinsá halo ita bele koñese malu di'ak liu taan militár-sira husi Componente Naval no Componete Aerea", deklara Tencor Arlindo Da Silva iha baze CFT, Kinta feira ( 03/07/2025).

Nia hatutan husi kompetisaun ne'ebé sei kompete husi Componente tolu, CFT, CN, CA, bainhira manan ou lakon, ne'e normal, importante nafatin mantein Vontade, Pontualidade disiplina nune'e, atividade ne'e bele lao ho susesu.

Preparasaun Treinu ne'ebé durante ne'e militar husi CFT prepara mak hanesan; Prosedimentu Komandu, Tiru, Fiziku, inklui Nani.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐅𝐓

𝐑𝐞𝐩𝐫𝐞𝐳𝐞𝐧𝐭𝐚𝐧𝐭𝐞 𝐂𝐨𝐦𝐚𝐧𝐝𝐨 𝐂𝐅𝐓 𝐏𝐚𝐫𝐭𝐢𝐬𝐢𝐩𝐚 𝐊𝐨𝐦𝐞𝐦𝐨𝐫𝐚𝐬𝐚𝐮𝐧 𝐋𝐨𝐫𝐨𝐧 𝐑𝐞𝐬𝐭𝐚𝐮𝐫𝐚𝐬𝐚𝐮𝐧 𝐈𝐧𝐝𝐩𝐞𝐧𝐝𝐞𝐧𝐬𝐢𝐚 20 𝐝𝐞 𝐌𝐚𝐢𝐮 𝐈𝐡𝐚 𝐁𝐚𝐮𝐜𝐚𝐮

Media F-FDTL QG Komponente Terrestre (TT) 28 maio 2025 0 minutes read

(𝐌𝐞𝐝𝐢𝐚 𝐂𝐅𝐓) Reprezentante Comando Componente Força Terrestre (CFT) liu husi 2° Komandante, Tenente-Coronel Arlindo da Silva "Loes, ho militár menus Kompañia ida Partisipa Iha komemorasaun loron restaurasaun Independensía 20 de maiu ba dala-XXIII, ne'ebé realiza iha resintu administrasaun Munisipiu Baucau.

Komemorasaun loron importante ba tinan ne'e ho tema "Hamutuk Paz no Dezenvolvimentu" hanesan refleksaun ida ba povu Timor-Leste hodi kria paz no estabilidade hodi kontribui ba dezenvolvimentu nasionál.

Husi tema ne'e, liu husi diskursu Prezidenti da Repúblika Demokrátika De Timor-Leste José Ramos Horta ne'ebé lee husi Prezidenti Autoridade Munisipiu Baucau Veneranda Lemos, hateten kontribuisaun ema hotu-hotu ba asaun paz mak sei lori Dezenvolvimentu sustentabilidade ba Povu no nasaun nia-moris di'ak.

Loron 20 Maiu 2002, hanesan loron ne'ebé ai Timor-Lorosa'e, nakfila sai nasaun Repúblika Demokrátika De Timor-Leste (RDTL), nu'udar nasaun ne'ebé independente no soberanu iha mundu Rai klaran.

Serimonia ne'ebé realiza iha Baucau iha mos kompetisaun tradisional, inklui kompetisaun dada-tali.

Nune serimonia refere partisipa militar no sivil sira Kompostu husi komunidade, Veteranus, militar husi FALINTIL-Forsa Defesa Timor-Leste (F-FDTL), Componente Forsa Terrestre (CFT) Polisia Nasional Timor-Leste (PNTL) Munisipiu Baucau, Seguransa sivil,korpu Bombeiros inklui Estudante sira.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐅𝐓

𝐌𝐢𝐥𝐢𝐭á𝐫 𝐂𝐅𝐓 𝐑𝐞𝐚𝐥𝐢𝐳𝐚 𝐌𝐚𝐫𝐬𝐚 𝐅𝐨𝐫𝐬𝐚𝐝𝐚 𝐇𝐨 𝐃𝐢𝐬𝐭𝐚𝐧𝐬𝐢𝐚 𝐊𝐌 26

Media F-FDTL QG Komponente Terrestre (TT) 09 maio 2025 0 minutes read

(𝐌é𝐝𝐢𝐚 𝐂𝐅𝐓) kuarta-feira,30/04/2025, Militár husi Componente Força Terrestre (CFT) realiza marsa forsada ho distansia kilo-metru (KM) 26 hahu husi watabo'o Baucau termina iha baze Componente Terrestre Baucau Lanud.

Marsa forsada refere militar-sira hakat ain sai husi Watabo'o iha tuku 7:00 dader, lao tuir estrada publiku, to iha baze iha tuku 10:30.

Aktividade marsa forsada, hanesan planu husi Comando CFT, realiza kada fulan, hodi garante saúde forte no saudavel ba militár-sira, hahu husi Comandante to Prasa.

Marsa Forsada husi primeiru grupu kompostu, husi Komandante 1° Batalhão Tenente-Coronel Helio Filipe Dias Quintas, Asesor Portugal Kapitaun João Ferreira, Komandante husi kada Kompania inklui Militar sira.

Tuir Orariu Loron 01/05/2025 grupu daruak sei marsa forsada ho distansia hanesan husi Fatumaka to baze CFT.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐅𝐓

𝐂𝐨𝐦𝐚𝐧𝐝𝐨 𝐅𝐀𝐋𝐈𝐍𝐓𝐈𝐋-𝐅𝐃𝐓𝐋 𝐇𝐚𝐡𝐮 𝐡𝐮𝐬𝐢 𝐉𝐞𝐧𝐞𝐫𝐚𝐢𝐬 𝐓𝐨 𝐎𝐟𝐢𝐬𝐢𝐚𝐢𝐬 𝐊𝐚𝐩𝐢𝐭𝐚𝐢𝐧𝐬 𝐑𝐞𝐚𝐥𝐢𝐳𝐚 𝐑𝐞𝐭𝐢𝐫𝐮 𝐇𝐨 𝐌𝐃 𝐈𝐧𝐤𝐥𝐮𝐢 𝐄𝐢𝐳 𝐋𝐢𝐝𝐞𝐫 𝐓𝐢𝐭𝐮𝐥𝐚𝐫

Media F-FDTL QG Komponente Terrestre (TT) 24 abril 2025 0 minutes read

(𝐌𝐞𝐝𝐢𝐚 𝐂𝐅𝐓) Komandu FALINTIL-Força Defeza De Timor-Leste (F-FDTL) hahu husi Jenerais, ofisiais superior, no ofisiais kapitains, retiru hamutuk ho Ministru Defeza (MD), Kontra-Almirante Donaciano Da Costa "Pedro Klamar Fuik" Ph.D, inklui Jurista Avelino Coelho nomos eiz lider titular sira hanesan Tenente Jeneral Reformadu Lere Anan Timur Nomos Eiz Ministru Defeza Agustinho Sequeira Somotxo iha Baze Componente Força Terrestre Baucau.

Tema jeral husi retiru ne'e mak ‘’Perspectivas de Lideranças Futuras nas F-FDTL’’, hanesan parte ida hodi forma ofisiais superiores no futuru lideransa F-FDTL hodi halo analiza ba situasaun global husi narativa jeo-polítika nomos jeo-estratéjika hahu husi nivel rejionál to nivel Global, nune mos fahe esperensia kona-ba iha área komunikasaun, pensamentu krítiku, kapasidade atu foti desizaun, kapasidade ba solusaun konflitu.

Tuir xefe estadu Maior Jeneral F-FDTL Tenente-Jeneral Domingos Raúl "Falur Rate Laek" deklara, aktivdade refere nia-rasik mak inisia hodi konvida orador importante sira mai fahe esperensia ba ofisiais superior sira husi F-FDTL

"Atividede retiru ida ne'e ita bolu, Intervenente, Istoriador akademiku intelktual ,estrategia sira, mai halo aprezentasaun ba superior sira hodi prepara ba lideransa futuru nian", hateten Eiz Funu nain FALINTIL, atual Xefe Estadu Maior Jeneral F-FDTL " Falur Rate Laek" Iha baze Baucau Tersa-Feira (15/04/2025).

Eiz Funu nain espera ho retiru ne'ebé realiza iha Baze Componente Força Terrestre ne'e bele hasae liu tan koñesimentu ba Ofisiais Superior foun sira hodi nune bele garantia no lori instituisaun F-FDTL ne'e ba progresividade bainhira jerasaun tuan entrega ba jerasaun foun sira.

Iha Biban ne'e Aman ba instituisaun F-FDTL ne'e nafatin husu ba Jerasaun foun sira hodi bele banati tuir Prinsipiu FALINTIL nian, nune presiza apoiu malu no serbisu hamutuk hodi lori instituisaun ne'e ba oin.

𝐓𝐞𝐧𝐞𝐧𝐭𝐞-𝐉𝐞𝐧𝐞𝐫á𝐥 𝐑𝐞𝐟𝐨𝐫𝐦𝐚𝐝𝐮 𝐇𝐮𝐬𝐮 𝐅𝐨𝐢𝐧 𝐒𝐚𝐞 𝐅-𝐅𝐃𝐓𝐋 𝐀𝐭𝐮 𝐇𝐚𝐫𝐚𝐢𝐤 𝐀𝐚𝐧 𝐍𝐨 𝐇𝐚𝐝𝐨𝐦𝐢 𝐌𝐚𝐥𝐮 𝐇𝐨𝐝𝐢 𝐬𝐞𝐫𝐛𝐢 𝐏𝐨𝐯𝐮 𝐇𝐨 𝐑𝐞𝐬𝐩𝐨𝐧𝐬𝐚𝐛𝐢𝐥𝐢𝐝𝐚𝐝𝐞

Media F-FDTL QG Komponente Terrestre (TT) 04 abril 2025 0 minutes read

Tenente-Jenerál Reformadu Lere Anan Timor ható liafuan lia hirak ne'e hafoin halao vizita extra ba iha Postu destakadu, Tilomar, Munisipiu Covalima foin lalais ne'e.

Iha Vizita ne'e, eiz Tenente-Jeneral ho fitun tolu ne'e, hameno ba militar-sira ne'ebé halao hela misaun dook husi familia atu serbisu ho domin no responsabilidade hodi serbi povu no nasaun RDTL, tuir prinsipiu Funu-nain sira katak " FALINTIL MAK IKAN POVU MAK BE'E".

Husi Moto ne'e eiz Xefe estadu Maior FALINTIL-FDTL, Tenente-Jeneral, reformadu, Lere Anan Timur, maske dadaun ne'e la asume ona knaar, maibe nafatin hakbesik ba jerasaun liman kroat Povu nian hodi motiva foinsae sira hodi lao tuir FALINTIL sira nia-ain fatin.

Iha Vizita ne'e eiz komandante FALINTIL, Rejiaun Um Ponta Leste, ne'e husu ba jerasaun foin-sae sira atu labele serbisu hare ba deviza, maibé hare ba responsabilidade ne'ebé familia no nasaun tula ba kabás.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐅𝐓

2° 𝐊𝐨𝐦𝐚𝐧𝐝𝐚𝐧𝐭𝐞 𝐂𝐅𝐓 𝐄𝐧𝐬𝐞𝐫𝐚 𝐓𝐫𝐞𝐢𝐧𝐚𝐦𝐞𝐧𝐭𝐮 𝐀𝐛𝐢𝐥𝐢𝐝𝐚𝐝𝐞 𝐌𝐢𝐥𝐢𝐭á𝐫

𝐌𝐢𝐥𝐢𝐭á𝐫 𝐂𝐅𝐓 𝐑𝐞𝐚𝐥𝐢𝐳𝐚 𝐌𝐚𝐫𝐬𝐚 𝐅𝐨𝐫𝐬𝐚𝐝𝐚 𝐇𝐨 𝐃𝐢𝐬𝐭𝐚𝐧𝐬𝐢𝐚 𝐊𝐌 26

Semak Ami

Saida Mak Ami Halo

Kontaktu Ami