Militar F-FDTL Nain-9 Husi Componente Terrestre Termina Formasaun Lideransa
(Media CT), Militár, FALINTIL-Forsa Defeza Timor-Leste (F-FDTL), husi Componente Terrestre (CT), nain-9 kompostu husi ofisías na'in-6 nomós sarjentu na'in-3, simu sertifikadu lideransa, hafoin tuir termina formasaun.
Formasaun refere fasilita husi asesor Portugal sira, ho objetivu hodi hasae koñesementu militar-sira nian iha area lideransa.
Husi sesaun distribui sertifikadu ba formadu-sira, Diretór Projetu Nú-4, Tenente Coronel Infantaria Andre Salvador Pereira de Barros, hatete nia parte agradese ba komandu CT bele servisu hamutuk hodi realiza programa refere.
"Apresia ba ita hotu ne'ebé ho inisiativa, vontade tomak bele aprende ona formasaun jornada lideransa ida ne'e, hodi sai lideransa ne'ebé mak diak".
Diretór projetu numeru-4 ne'e deklara ho formasaun ne'e nia parte garante ba futuru militár hirak ne'ebé konklui ona formasaun ne'e sei sai lideransa di'ak iha futuru.
Iha sorin seluk segundu Komandante CT, Tenente Koronel Arlindo da Silva "LOES" agradese ba asesória sira tamba bele fasilita ona formsaun ho karakter ba mulitár-sira husi CT, nomos husu atu kontinua ba futuru.
"Kursu ida ne'e ho objetivu mak atu fó hanoin ba ema ida atu sai lideransa, hodi fó hanoin ne'ebé di'ak ba ema seluk ho justu no klaru. Hodi sai lideransa ne'ebé mak di'ak ba instituisaun ida ne'e". Haktuir segundu komandante CT hafoin ensera treinamentu refere iha Baze CT kinta-feira ,16 Abril 2026.
Formasaun refere hala'o dahuluk iha loron 27-30 Outubru 2025, etapa daruak hala'o loron 13-16 Abril 2026, ne'ebé kompostu husi militár hamutuk nain 23.
Ekipa Media CT
