Sexta Feira 27 Marsu 2026

(𝐌𝐞𝐝𝐢𝐚 𝐂𝐓) Komandu Componente Terrestre ho Defence Cooperation Program (DCP) husi nasaun Australia ensera treinamentu Operasional iha Baze CT Baucau.

Iha diskursu reprezentante Adido Defeza Australia, Tenente Coronel Philip Butt, hateten treinamentu ne'e kontinua hametin kooperasaun entre Austrália no Timor-Leste iha area Defeza.

“Ami iha nafatin kompromisu atu hatán ba Timor-Leste nia prioridade sira no servisu hamutuk iha parseria ida ne'ebé real no forte liu.”

Tenente Coronel Philip Butt subliña, importánsia husi relasaun sira hodi garante susesu kontínuu husi parseria iha dezenvolvimentu kapasidade nomos kontinua fo kusru treinamentu ba militar sira.

"Kursu ne'e sai hanesan ezemplu ida kona-ba saida maka bele atinji bainhira ita serbisu hamutuk iha parseria real e forte, no iha hau nia pozisaun privilejiadu nudar asistente Adidu Defeza Austrália nian mai nasaun neebe furak hanesan Timor Leste, ha'u hein atu fila fali ba serimónia no atividade formasaun barak liután iha futuru", nia hatutan.

Iha fatin hanesan Komandante Componente Terrestre Coronel Operasaun Espesiais, Domingos da Costa Soares “DOBU” agradese ba DCP tanba liu husi programa ne'e bele eleva tan kapasidade militar sira nian.

Treinamentu refere realiza durante semana haat, iha ne'ebé hetan partispasaun husi militar F-FDTL CT.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐓

Kinta Feira,19/02/2026

(𝐌𝐞𝐝𝐢𝐚 𝐂𝐓) Comando Componente Terrestre (CT), despede Direitor projetu numero-4 husi Portugal Tenente Coronel Fausto Campos, tanba termina nia-misaun iha Timor-Leste.

Iha despedida ne’e Segundu Comandante Componente Terrestre(CT) Tenente Coronel Arlindo da Silva “LOES” agradese ba Diretor projetu -4 husi Portugal ne'ebé durante ne'e hala’o ona misaun iha CT Baucau hodi apoiu atividade sira ne'ebé mak durante ne'e realiza.

Iha biban ne’e Diretor Projetu-4, agradese ba estrutura husi komandu CT tanba bele halo koperasaun di'ak durante halao misaun iha baze CT.

Iha Oportunidade ida ne'e Segundu Komandante CT hato’o mos Benvindo ba Tenente coronel Infantaria Andre Salvador Pereira de Barros ne’ebe dadaun ne'e subtitui fila fali Diretor projetu-4 Tenente Coronel Campus.

Iha biban ne'e segundu omandante CT tara tais ba Diretor projetu numeru-4 hanesan rekordasaun ida.

Ekipa Media CT

(𝐌𝐞𝐝𝐢𝐚 𝐂𝐓) Komandu Componente Terrestre (CT), liu husi Segundu Komandante CT, Tenente Coronel Arlindo da Silva "LOES", hamutuk ho Defence Coorperation Program (DCP) abertura kursu navegasaun iha iha baze Componente Terrestre Baucau, Segunda Feira 02/03/2026.

Treinamentu refere militar sira sei treinu kona-ba, planeamentu, tekniku, tátika inklui navegasaun, iha area operasiona-nian.

Kursu refere sei oferese husi Instrutór Defence Cooperation Program (DCP) Australia nian, durante semana haat, hahú husi loron 2 tó loron 29 fulan marsu, iha ne'ebé sei hola parte husi ofisiasi, Sarjentu Inklui Prasa-sira.

Ekipa Media CT

(𝐌𝐞𝐝𝐢𝐚 𝐂𝐓) Adidu Defeza Brazil Iha Timor-Leste, Koronel Vitor Hugo Bergamaschi ho delegasaun halao vizita ofisíal mai iha Baze Componente Terrestre Baucau Sesta-feira 06/03/2026.

Vizita refere simu direta husi Comandante Componente Terrestre Coronel Domingos Da Costa Soares “DOBU” ho estrutura sira.

Objetivu husi Vizita ne'e atu hametin relasaun entre forsa Armadas Timor-Leste ho Forsa Armadas Brazileiru ba futuru.

Iha vizita ne'e Komandante 2° Batalhão Tenente-Coronel Graduadu, Komandu Operasaun Espesiais Gregorio B. Correia halo mós apresentasaun kona-ba aktividade husi komandu CT nian ba vizitante-sira.

Ekipa Media CT