2° 𝐊𝐨𝐦𝐚𝐧𝐝𝐚𝐧𝐭𝐞 𝐂𝐅𝐓 𝐄𝐧𝐬𝐞𝐫𝐚 𝐓𝐫𝐞𝐢𝐧𝐚𝐦𝐞𝐧𝐭𝐮 𝐀𝐛𝐢𝐥𝐢𝐝𝐚𝐝𝐞 𝐌𝐢𝐥𝐢𝐭á𝐫

(𝐌𝐞𝐝𝐢𝐚 𝐂𝐅𝐓) segundu komandante Componente Força Terrestre (CFT) Tenente-Coronel Arlindo Da Silva "Loes" halo enseramentu ba treinamentu abilidade militar, ne'ebé treina husi militar CFT nomos Unidade Polisia Militar (PM) durante semana-4.

Treinamentu refere hanesan parte ida hodi halo kapasitasaun ba militar-sira kona-ba Nivel Planamentu Nivel Tatiku, nomos hasae kapasidade fiziku prontidaun militar sira nian, hodi ba halo kompetisaun ne'ebé sei realiza iha Componente Naval Hera iha Fulan Jullu 2025.

"Treinamentu ida ne'e laos de'it ba halo kompetisaun, maibé oinsá atu sukat ita-nia kapasidade to iha ne'ebé, parte seluk oinsá halo ita bele koñese malu di'ak liu taan militár-sira husi Componente Naval no Componete Aerea", deklara Tencor Arlindo Da Silva iha baze CFT, Kinta feira ( 03/07/2025).

Nia hatutan husi kompetisaun ne'ebé sei kompete husi Componente tolu, CFT, CN, CA, bainhira manan ou lakon, ne'e normal, importante nafatin mantein Vontade, Pontualidade disiplina nune'e, atividade ne'e bele lao ho susesu.

Preparasaun Treinu ne'ebé durante ne'e militar husi CFT prepara mak hanesan; Prosedimentu Komandu, Tiru, Fiziku, inklui Nani.

𝐄𝐤𝐢𝐩𝐚 𝐌𝐞𝐝𝐢𝐚 𝐂𝐅𝐓