Abrigu Komandu Mamalau Maununo Kontribui Mos Ukun Rasik A'an Hahu 1975 To'o 1999
Mamalau,14 Outubru 2025
Xefe Estadu Maior Jenerál FALINTIL-FDTL, Tenente Jenerál Falur Rate Laek hala'o vizita bá fatin abrigu komandu Mamalau iha Suku Maununo, Postu Administrativu Ainaro Vila, Munisípiu Ainaro ne'ebé akompoña husi Prezidente Autoridade Munisípiu Ainaro, xefe suku Maununo, Reprejentante Komandante Komponente no Unidade, aman veteranus sira iha suku Maununo hodi hare'e direita abrigu komandu Mamalau ne'ebé uluk Eis funu nain sira subar hodi funu kontra Invazór sira ne'ebé invade Timor-Leste hahú tinan 1975 to 1999.
hafoin hakat ain to'o iha foho tutun Abrigu Mamalau Maununo Eis Funu na'in Ne'e espresa setimentu triste hodi hamonu mataben hanoin istória moruk ne'ebé uluk luta hamutuk ho Aswain FALINTIL sira ne'ebé balu sei moris no balu lakon vida.
hafoin vizita Eis Funu nain ne'e hateten husu nafatin PAM Ainaro atu tau iha konsiderasaun hodi prezerva fatin istoriku mamalau hodi sai hanesan memorial ida ho naran parkia memorial haksolok nian iha fronteira hodi konta no hatutan nafatin bá jerasaun foun sira.
Media F-FDTL
Sold. Boni Mendonça
