Alin Teotônia Sai Xefe Estadu Maior Jenerál F-FDTL Oras Ida
Kuartel Jenerál, 11 Outubru 2024
Teotônia Beatriz da C. S. Mendonça husi Eskola 1.2.3 Ciclo Maubisse, Postu Administrativu Maubisse Munisípiu Ainaro, tinan sanulu resin tolu sai nu’udar Xefe Estadu Maior Jenerál FALINTIL-Forsa Defeza Timor-Leste (F-FDTL) oras ida nian laran, atividade refere hala’o iha Kuartel Jenerál F-FDTL Fatuhada, Dili.
Iha intervista Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek hateten, atividade ida ohin ne’e importante tebes para ita motiva ita nia foin sa’e sira, karik aban bainrua sira hakarak tama iha vida Militár sira hatene ona konabá lalaok Forsas Armadas nian.
Programa ne’e hala’o tamba iha servisu hamutuk entre FALINTIL-Forsa Defeza Timor-Leste (F-FDTL) ho PLAN Internasional.
Media F-FDTL
