Biografia Badak Husi Saudoso Coronel Constantino Moreira “Maurega”

Saudozu moris iha Baucau-Quelicai-Waitame iha Loron 05 Dezembru 1977.

Saudozu oan husi: Aman Martinho Moreira (Matebian Ona) no Inan Sabina Moreira. Aman Martinho no Inan Sabina kous oan hamutuk na’in-4 ha’at mane rua feto rua, saudozu mak hanesan oan sengundo husi maun alin no feton sira.

Saudozu husik hela fen ho oan feto na’in tolu no ida sei iha nia mama nia kanotak.

Saudozu nia nivél Edukasaun:

Hahú eskola primaria iha eskola primaria Abafala Quelicai 1985–1992.

Eskola Pre-Secundaria iha eskola Pre–Secundaria Quelicai 1992–1995.

Eskola secundaria iha tinan 1995–1997 iha eskola secundaria 2 Baucau tamba persegisaun husi Inimigu maka saudozu deside muda mai eskola secundaria Dharma Bakti Comoro no Remata nia estudu iha nivél Secundaria iha 1998.

Tuir mai saudozu nia dedikasaun no partisipasaun iha prosesu Luta ba Ukun Rasik An iha Vida Sivil:

Vida Sivil: Hahú rede Clandestina iha loron 01 Fulan Janeiro 1990 hanesan membru husi Kaixa Tuba Rai Metin servisu hamutuk ho nia responsavél Kaixa: Joao Ximenes Gaio – Manu Aman,

Saudozu mós hanesan membru husi Sub-Caixa Mes Keuangan Comoro – Perumdis.

Alende ne’e Saudozu sai mós membru Sagrada Familia.

Hahú husi 01 De Janeiru 1990 To’o 31 Dezembru 1992, sai hanesan membro Ojetil - Responsavél Norberto Espirito Santo-ROLEX. (Coordenador Ojetil Municipio Baucau).

Hahú Husi 01 Janeiru 1993 To’o dia 09 Febreiru 1999 sai hanesan membru Ojetil.

Iha tinan 1991–1999 Saudozu sai hanesan membru Caixa Tuba Rai Metin No Ativa Mos Iha Rede Organizasaun Ojetil, hanesan seguransa ba saudozu Mauhudu Rankadalak, ho Saudozu Mauhunu Bulerek Karatayano no halo ligasaun direta ho rejistensia Armada ba Komandante Rodak no segundu Komandante Regiao III Eli Foho Rai Boˈot.

Hahú husi tinan 1992-1997 Saudozu mós involve iha aksaun manifestasaun iha Baucau hodi luta ba Timor-Leste nia Ukun Aan.

Iha tinan 1996 Saudozu involve mós iha demostrasaun husi igreja Motael mai Hotel Timor (23 Marsu 1997).

Iha tinan 1998 Saudozu involve móss iha demostrasaun no Mimbar iha Edificio Dpr Kaikoli – Dili.

Iha tinan 1998 Saudozu sai mós hanesan pesoal seguransa hodi asegura lider sira husi Ojetil ba Jakarta no hetan kapturasaun husi Militár Indonesia iha Portu Dili hodi detein durante 72 oras.

Saudozu mós sai hanesan membru seguransa hamutuk ho Saudozu Ikan Fafulu Mutin hodi asegura prosesu rekonsiliasaun entre Timor Oan sira iha Dare durante loron tolu kalan Tolu (iha Setembru 1998).

Vida Militár:

Saudozu husik hela vida sivil iha tinan 1999 no Sa’e ba ailaran hamutuk ho segundu Komandante Regio III L7 ho regiaun I.

Saudozu sa’e ba hamutuk ho nia maun alin sira mak hanesan “Marito da Costa Belo (Reis Lancado), Jose Koko (Saudoso Ona), Alberto Moreira Freitas (Jerry), Jose Dias Marcal (Watumissa) no Marcos de Araujo (Sarai).

Vida Militár FALINTIL-Forca da Defesa de Timor-Leste (F-FDTL).

Depois de referendun ate tranformação FALINTIL ba F-FDTL, Iha dia 02 Fevereiru 2001, Saudozu hahú ninia Kareira iha vida Militár.

Iha dia 19 Fevereiru 2001, Saudozu hetan Oportunidade husi Komandu atu frequenta kursu Formasaun Oficiais iha Aileu.

Iha dia 21 Junho 2001, Saudozu promove ba Tenente no Coloca iha Centru Instrusaun Comandante Nicolau Lobato Metinaro hanesan Instrutór.

Iha dia 06 Dezembru 2005, Saudozu tuir Curso de Especialização de Capitães e Formação de Majores iha Centro de Instrução Comandante Nicolau Lobato Metinaro. No Saudozu promove ba Capitão hodi kolaka iha segundu Batalhaun nu’udar Komandante Compania.

Iha dia 03 Setembru 2010, Saudozu hetan nomeasaun husi komandu hodi frequenta Curso de formasaun oficiais superior (Cpos) iha Portugal. Depois de remata formasaun iha dia 25 de Outubro de 2011, Saudozu koloka iha Quartel General asumi knar nu’udar chefe Divisaun Pessoal.

Iha dia 02 Fevereiro de 2012, Saudozu koloka nafatin iha Quartel General, asumi kna’ar nu’udar Chefe Divisaun Logistica.

Iha dia 18 Dezembro 2012, Saudozu koloka nafatin iha Quartel General asumi nu’udar Chefe Divisaun Aprovisionamento.

Iha dia 01 de Outubro 2015, Saudozu kolaka iha Centro Instursaun Comandante Nicolau Lobato (CICNL), asumi kna’ar nu’udar segundU Comandate CICNL.

Iha dia 28 de Janeiro de 2016, Saudozu koloka fali ba Quartel General, asumi kna’ar nu’udar Chefe Centro Operasaun. No iha dia 07 de Dezembro De 2016, hetan nomesaun husi Komando hodi frequenta Curso Estado Maior iha Malazia.

Iha dia 20 de Augotu De 2017 saudozu promove ba iha Posto Tenente Coronel no asumi kna’ar nu’udar Chefe Divisaun Pessoal.

Iha dia 20 de Agostu de 2023, Saudozu promove ba posto Coronel no koloka nafatin iha Quartel General, asumi knar nudar Chefe de Divisaun Planeamento no Saudozu hetan nomeasaun husi Komandu iha dia 9 de Novembru 2023, hodi frequenta Curso Oficiais Superior Lemhanas iha Indonesia. Depois de acaba kursu, Saudozu kontinua asumi knar nudar Chefe Divisaun Planeamento iha Quartel General ate Saudozu hetan atakasaun cardioca.

Ne’e mak dedikasaun servisu ne’ebe mak saudozu hala’o ona ba Rai doben no Instituisaun F-FDTL durante ninia moris tomak. Saudozu nudar mós Oficiais Superior ne’ebe mak di’ak ida ba maluk militares sira hotu. Maibé, Iha Loron 20 Fulan Abril Tinan 2025 Saudozu hakotu ona ninia viagen moris iha Mundu tambá hetan atakasaun cardioca. Mate ne’e segredu Maromak nia, bainhira Iha ne’ebé no nia modelo oinsa, laiha ema ida mak hatene, Infelizmente, Maromak bolu ona saudozu ba hamutuk ho nia, iha Nai nia Kadunan Santo, Tamba ne’e Istituisaun F-FDTL sente lakon tebes Nia membru di’ak ida, Que hatudu ninia dedikasaun tomak no servisu ba Instituisaun no Rai Doben Timor-Leste.

To’o ba ne’e de’it, Biografia badak husi Saudozu Coronel Constatino Moreira (MAUREGA). Adeus, Adeus Saudades eternas Coronel Moreira husi família, parente no caros Amigos hotu, memoria husi ita boot nia iha Mundo sempre lembra nafatin. Descansa Em Paz.

Média F-FDTL