CAL Realiza Palestra iha Kuartel Jenerál hodi Selebra Aniversáriu ba dala-IV

(Média F-FDTL) Sexta-Feira,20/06/2025 ne'e Komandu FALINTIL- Forsa Defesa Timor-Leste (F-FDTL) Xefe Estadu Maior Jenerál Forsa Defeza Timor-Leste, Tenente Jenerál Falur Rate Laek halo abertura ba Palestra ho Tema "DO SOLO AO CÉU-CONCRETIZAR A VISÃO DAS FALINTIL-FDTL" realiza iha Kuartel Jenerál ne'ebé organiza husi Componente Aeréa Ligeira (CAL) hodi Komemora loron Aniversáriu Componente Aeréa Ligeira (CAL) nian ba Dala-IV ne'ebé sei selebra iha loron, 23/06/2025 iha Aereoporto Baucau.

iha intervensaun Xefe Estadu Maior Jenerál Forsa Armada, Tenente Jenerál Falur Rate Laek hateten iha palestra ne'e nu'udar Oportinidade Úniku ida ne'ebé atu reflete kona-bá importánsia sira iha Componente Aeréa nian hanesan pasu komersial ida nune'e hodi moderniza kapasidade defeza nian hodi realiza vizaun estratéjiku sira no prepara Forsa sira hodi hatan ba dezafius sira ne'ebé sei hasoru iha Futuru oin mai.

"Palestra ohin nian nu'udar oportunidade Úniku atu reflete kona-bá importánsia Componente Aeréa iha Forsa Armadas Timor-Leste nian Tranzisaun husi Forsa ida ne'ebé maka opera liu-liu iha rai ida ne'ebé mak abranje lalehan maka pasu komersial ida hodi moderniza ita nia kapasidade defeza no hodi realiza vizaun estratéjiku ne'ebé ita iha ba ita nia misaun, ita nia objetivu maka asegura katak ita nia forsa sira preparadu atu hatan ba dezafiu ne'ebé ita hasoru iha futuru oin mai" Hatete CEMGFA iha Salaun Auditorium Quartel General Fatuhada Sexta-Feira ne'e.

Xefe Estadu ne'e haktuir tan katak ita hotu-hotu nia mehi no esperansa maka Forsa Aérea bele halo papel ida ne'ebé imporntante iha sistema Defeza nian laos deit iha termu protesaun nian maibé hametin mós prezensa rezionál no fornese apoiu humanitariu.

iha Pelestra ne'e mai husi Orador Importante sira hanesan ExCia Eis. Ministru Defeza José Agustinho Sequeria "Xomotxo", Kapitaun Aéreo Dili AirBus A320 Adnan Bang, Sr. Sabino Henriques, Asesor Tekniku Principal ANATL, Sr. Guilhermino Camões Diretor AACTL, Capitaun Marta Coimbra Espesialista Tore Controlu.

Partisipa iha Palestra hanesan CEMGFA Tenente General Falur Rate Laek, CEMFA Brigadeira General José Da Costa Soares "Trix" Eis Ministru Defesa Xomotxo, Forsa Aeréa Portuguesa, Comandante Componente no Unidades, IDN, ANATL, AACTL, Pilotu husi Aeréo Dili, NGO FORUM, FUNDASAUN MAHEIN, estudante SMA 10 DESEMBRO, FINANTIL, UNPAZ, DIT, UCT, Xefe Divizaun sira, Ofisiais l, Sargentos no prasas mós.

Ekipa Média F-FDTL