CEMGFA Partisipa Enkontru Ekipa Komisaun Organizadora Konjunta Ba Preparasaun Eventu Dili Internasionál Marathon 2026

Dili, 13 Jullu 2026

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Domingos Raúl "Falur Rate Laek" hamutuk ho reprezentante sira husi liña ministeriál, partisipa iha enkontru Ekipa Komisaun Organizadora Konjunta ba preparasaun Dili International Marathon 2026, ne'ebé hala'o iha Sala Enkontru Palásiu Prezidensiál, Aitarak Laran, Díli.

Enkontru ne'e dirije diretamente husi Sua Excelénsia Prezidente Repúblika, Dr. J. Ramos-Horta no partisipa husi membru Governu, autoridade sira no entidade relevante ne'ebé integra iha Ekipa Komisaun Organizadora Konjunta.

Objetivu husi enkontru ida ne'e mak atu halo avaliasaun ba preparasaun eventu, reforsa koordenasaun no asegura preparasaun hotu lao tuir planu atu promove Díli no Timor-Leste liu husi eventu desportu internasionál ida ne'e.

Iha enkontru refere, ekipa komisaun halo atualizasaun kona-ba progresu preparasaun eventu, inklui planu organizasaun, logístika no planu seguransa.

Diskusaun sira ne'e importante atu garante katak Dili International Marathon 2026, ne'ebé sei realiza iha loron 08 Agostu 2026, bele hala'o ho di'ak, hakmatek no ordenadu, ho partisipasaun husi atleta Nasionál no internasionál.

Enkontru ne'e mós partisipa husi Xefe Estadu Maior Jenerál F-FDTL, membru governu, autoridade sira husi setor seguransa no defeza, inklui PNTL.

Ekipa Média F-FDTL

Cabo J. Silva