CEMGFA Partisipa Serimónia Kondekorasaun Ho Ordem Timor-Leste Ba Eis Prezidente Indonézia Prof. DR. (H.C) Megawati Soekarnoputri

Aitarak-Laran Dili, 09 Jullu 2026

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Domingos Raúl "Falur Rate Laek" partisipa serimónia kondekorasaun ho Grande Colar Ordem de Timor-Leste ba Eis Prezidente Repúblika Indonézia ba dala-V, Sua Excelénsia Prof. Dr. (H.C) Megawati Soekarnoputri.

Serimónia kondekorasaun ne'e fó husi Prezidente RDTL Laureado Novel da Paz Dr. J. Ramos Horta ho Ordem de Timor-Leste, ne’ebé halao iha salaun Palásiu Prezidensiál Nicolau Lobato Aitarak-Laran Dili.

Kondekorasaun ho Orde Timor-Leste ho onra ida ne'ebe aas liu ne'ebé Estadu Timor-Leste atribui, ba Prof. Dr. (H.C.) Megawati Soekarnoputri, hanesan rekoñesimentu ba ninia kontribuisaun bo'ot ba dezenvolvimentu relasaun amizade no kooperasaun entre Timor-Leste no Indonézia.”

Partisipa iha serimónia ne'e hanesan Prezidente RDTL, Primeiru Ministru RDTL, akompaña husi Xefe Estadu Maior Jenerál F-FDTL, membru governu, membru Parlamentu Nasionál, Membru Korpu Diplomátiku inklui Reprezentante Partidu Polítiku sira.

Hafoin serimónia hahú FALINTIL -Forsa Defeza Timor-Leste (F-FDTL) simu Sua Excelénsia Eis Presidente Repúblika Indonézia ba dala-V, Sua Excelénsia Prof. Dr. (H.C) Megawati Soekarnoputri ho Parada Militár.

Ekipa Média F-FDTL

Cabo J' Silva