CEMGFA Simu Visita Husi Adidu Defeza China Iha TL

Kuartel Jenerál Fatuhada, 01 Jullu 2026

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Domingos Raúl "Falur Rate Laek" Simu Vizita husi Adidu defeza China iha Timor-Leste Senior Koronel Miao Haijun iha nia knaar fatin KuartelJenerál F-FDTL Fatuhada Dili.

Objetivu husi Vizita ne'e atu enkontru ho Xefe Estadu Maior Jenerál F-FDTL hodi atualiza servisu neʼebé halo tia ona no kolia liliu kona-ba Governu China atu ajuda harii Hospital Militár ba F-FDTL iha Timor-Leste.

Iha enkontru ne’e mós Adidu defeza China Aproveita aprezenta adjunto adidu defeza nian foun ba Komandu F-FDTL atu nune'e servisu hamutuk hametin kooperasaun diak liu tan iha futuru.

Partisipa iha enkontru ne’e maka, CEMGFA Tenente Jenerál Falur Rate Laek, Adido Defeza China Senior Koronel Miao Haijun ho nia adjunto, Tenente Coronel Domingos Oki no Adjunto Kampu CEMGFA.

Depois de enkontru Xefe Estadu Maior Jenerál F-FDTL tara tais ba adjuntu Adidu Defeza China nian foun hanesan simbolu Bemvindu no Adidu Defeza China mós troka prendas ho Xefe Estadu Maior Jenerál F-FDTL.

EKIPA Média F-FDTL