Komandu F-FDTL Hala’o Serimónia Kulturál Lansamentu Ro Jaco Shanghai Klase II 62

Behau, 06 Agostu 2026

FALINTIL-Força Defeza Timor-Leste (F-FDTL) realiza Serimónia Kulturál ba Ro Jaco Tipu Shanghai Klase II 62 iha Doka Behau, Munisípiu Manatuto.

Eventu ne'e sai hanesan momentu istóriku ba FALINTIL-Força Defeza Timor-Leste (F-FDTL) nune’e Komandante Komponente Navál Komodoro Higino Das Neves"SuperMan" ne'ebé reprezenta Xefe Estadu Maior Jenerál Forsa Armadas F-FDTL (CEMGFA) hatete katak, eventu ida ne’e importante iha istoria Komponente Navál hodi hala’o serimónia kulturál ba lansamentu ro Jaco nune’e FALINTIL-FDTL utiliza hodi defende soberania.

"Eventu ne’e importante ba Komponente Navál, uluk hola ro husi nasaun Xina ami ladun kuidadu tanba esperiensia ho otas mós joven ladun komprende afinál buat hotu liu husi nia dalan mak foin ita bele hatama ita nia ro hodi bele navega. Tanba ami lakonsege bai iha lia na’in sira iha Timor hodi mai hamulak oituan antes hatama ro maibé ha'u fiar katak ohin aman sira ko’alia tuir tuir ona buat hotu ne’ebé ita halo failla iha tempu ne’ebá para ita nia natureza tau matan nafatin ba ita nia ema sira ne’ebé sei uza ita nia roo ne’e hodi defende ita nia soberania. Tenik Komandante Komponente Naval iha serimónia lansamentu refere.

Serimónia Kulturál ne'e partisipa husi, Segundu Komandante Komponente Terrestre, Komandante Unidade CICNL, Komandante Unidade Polísia Militár, Komandante Unidade FALINTIL Reprezentante Ministeriu Defeza.

Média F-FDTL

Soldado Marques