Komandu F-FDTL, Ministériu Defesa, IDN Ho AMN Realija Serimónia Hasa'e Bandeira Nasionál Bá Semana Dahuluk Fulan Marsu
Kuartel Jenerál, 02 Marsu 2026
FALINTIL-Forsa Defeza Timor-Leste (F-FDTL) hamutuk ho Funsionariu Ministériu Defesa (MD) Institutu Defeza Nasionál (IDN), Autoridade Marítima Nasionál (AMN) ohin realiza serimónia hasa'e Bandeira Nasionál bá semana dahuluk fulan marsu, iha resinto Kuartel Jenerál Fatuhada, Díli.
Serimónia Hasa'e Bandeira Nasionál ne'e prezide husi Xefe Estadu Maior F-FDTL Brigadeiro Jenerál José da Costa "TRIX"
Iha diskursu Xefe Estadu Maior F-FDTL Brigadeiro Jenerál José da Costa Soares 'TRIX' kontinua apela bá Militár no funsionáriu hotu-hotu atu servisu ho diak no disiplina nafatin nune'e bele atinji metas sira instituisaun nian.
"Ha'u husu bá Membru Forsas Armadas tomak husi Ofisias mai to'o Prasas, Funsionariu sira tomak liu-liu hirak ne'ebé responsável bá servisu importante sira iha dirasaun no divizaun sira atu mantein servisu ho diak no servisu ida ne'ebé Itá bele halo agora la bele muda bá aban, buat ne'ebé ita bele finaliza ohin lábele hein bá semana ida ka rua mai", dehan Brigadeiro Jenerál José da Costa Soares 'Trix'.
Serimónia hasa'e Bandeira Nasionál bá semana dahuluk fulan marsu ne'e hetan partisipa máximu husi funsionáriu sira husi Ministériu no Instituisaun tuteladu sira.
Media F-FDTL
Bonifaçio Mendonça
