Komandu F-FDTL No MD Realiza Ekontru Ho UN Women Iha Kuartel Jenerál
Kuartel Jenerál 11 Marsu 2026
Komandu FALINTIL-Forsa Defeza Timor-Leste (F-FDTL) liu husi Xefe Kooperasaun Teknika Militár Tenente Koronel Graduadu Domingos Oki hamutuk ho Ofisiais Superiores nomós Xefe Seksaun sira husi Kuartel Jenerál Hala'o enkontru ho delegasaun husi UN WOMEN ne'ebé lidera husi Sr.Narul Mohamed Rashid hanesan Asesór Polítika Rejionál bá Governasaun no seguransa Eskritóriu Rejionál nian no akompaña mós husi Sr.Japhet Willian Graham Eichel hanesan Espesialista jéneru, klima no seguransa rejionál.
Iha Enkontru ne'e koalia liu asuntu importante tolu maka hanesan feto paz no seguransa, mudansa klimátika, Kursu rejionál kona-bá feto nia lideransa, nomós kooperasaun Civil ho Militár nian.
Alende ne'e kolia mós kona-bá persegisaun iha programa bá tinan rua nian iha ne'ebé sei bá iha Regiaun Sudeste Asiátiku nian no foka liu mós kona-bá papel feto Militár nian nomós feto iha pozisaun lideransa.
Enkontru ne'e lidera husi Xefe Kooperasaun Teknika Militár F-FDTL Tenente Koronel Graduadu Domingos Oki, no partisipa husi Adjuntu Planeamentu Major Adelino Vilela, Xefe Seksaun Jéneru F-FDTL Kapitaun Marquita da Cunha, Xefe reprezenta Seksaun CIMIC no xefe seksaun sira seluk, inklui mós Ministériu Defeza, no delegasaun sira husi Un Women.
Ekipa Média F-FDTL
J. Silva
