KOMANDU F-FDTL PARTISIPA IHA SERIMÓNIA OFISIÁL KOMEMORASAUN TL SAI MEMBRU ASEAN

Dili, 26 Outubru 2025

 

Komandu FALINTIL-Forsa Defeza Timor-Leste (F-FDTL) partisipa iha Serimónia ofisial komemorasaun Nasaun Repúblika Demokratika Timor-Leste (RDTL) sai membru bá dala- 11, iha Asosiásaun Nasaun Sudeste Aziátiku (ASEAN) iha Jardim Largo Lesidere Dili.

 

Selebrasaun ne'e hahú iha tuku 5:30 lokraik, iha jardim Largo lesidere partisipa husu F-FDTL, Órgaun soberanu sira, Korpu diplomátiku, Ajénsia internasionál, Konfisaun relijioza, Veteranu, Organizasaun sosiedade sivíl, Líderansa komunitáriu, Estudante, no Sidadaun sira halibur hamutuk hodi asiste no selebra eventu importante marka istória foun ida bá povu Timor-Leste, durante tinan barak hein ho esperansa, oras ne'e daudaun, Prezidente da Repúblika, Primeiru Ministru ho delegasaun Timor-Leste iha Kuala Lumpur, hodi marka loron ne’ebé Timor-Leste ofisiálmente, sai membru Asosiásaun Nasaun Sudeste Aziátiku ASEAN.

 

Serimonia ofisial festeza Nasaun Repúblika Demokratika Timor-Leste (RDTL) sai membru permanente bá ASEAN hala’o iha jardim Largo Lesidere, Organiza husi Ministeriu Administrasaun Estatal ho Ministeriu Negosiu Estranjeiru no Kooperasaun.

 

Media F-FDTL

Izidor Lopes