Komandu FALINTIL-FDTL ho Autoridade Munisípiu Lautem Hala'o Serimónia Tinan 50 Loron Aniversário FALINTIL ho Parada Militár

Lautem, 18 Agostu 2025

Komandu FALINTIL-Forsa Defeza Timor-Leste (F-FDTL) ho Autoridade Munisipàl Lautem Selebra Loron Fundasaun FALINTIL bá dala 50 hodi hanoin hikas Prosesu Luta Libertasaun Nasionál Ne'ebé Eroi Sira Husik Hela.

Diskursu Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek, liu husi Major Jenerál João Miranda "Aluc Descartes" hatete, ohin selebra loron FALINTIL bá dala 50 atu reflete pasadu no hafoun bá prezente ne'ebé FALINTIL sira hakat liu ona no ba futuru, Atu promove lia los no respeita diskursu publiku hodi rejeita korupsaun no abuzu podér no tau matan bá povu ne'ebé moris ho vulneravél liu no kuda kulturál perdaun nian hodi harii dame iha Nasaun ida ne'e mak konkretu.

"Loron FALINTIL loron gratidaun responsabilidade no sai memoria bá ita nia maluk ne'ebé luta no lakon iha funu laran no gratidaun responsabilidade bá ita nia FALINTIL sira ne'ebé sei moris, ita hari ita nia Nasaun to ohin loron, tanba Timor-Leste nia luta bá Auto determinasaun save ukun rasik aan ne'e, kriasaun bá FALINTIL iha loron 20 fulan Agusto 1975." Dehan Sua Exelensia Major Jenerál eJoão Miranda "Aluc Descates" iha ámbitu Selebra Loron FALINTIL iha Kampu proklamasaun Independénsia Munisípiu Lautem.

Alende ne'e iha serimónia refere hetan partisipasaun masimu husi Membru Governu, Autoridade Munisipál, Veteranu sira, PNTL, Konviksoens Relijiozas, Estudante, inklui komunidade munisípiu Lautem.

Ekipa média F-FDTL

Alferes Gilberto

Evaristo