Membru F-FDTL Feto Nain-10 Termina Formasaun Programa Microsoft Office Professional Iha Similie
Dili, 10 Juñu 2026
Membru FALINTIL-Forsa Defeza Timor-leste (F-FDTL) Nain-10 ne'ebé Kompostu Husi Kuartél Jenerál Nain-3, Komponente Terrestre Nain-2, Komponente Naval Nain-2, Komponente Aérea Ligeira Nain-1, Forsa Apoiu Gerál-Nain 1, Unidade FALINTIL Nain-1, Remata Ona Formasaun programa Microsoft Office Professional Iha Similie Bidau Akadiru-Hun.
Militar hirak ne'e tuir formasaun programa Microsoft Office Professional ho durasaun fulan rua.
Iha Diskursu Reprezentante DCP Major Chloe Pinheiro hato'o nia obrgadu ba parte hotu no tulun ho kolaborasaun ne'ebé diak durante kursu hahú to remata, nia dehan formasaun ida ne'e importante tebes hodi hasa'e koñesimentu no amenta kapasidade ba membru F-FDTL.
"Ha'u hato'o Obrigado wain ba Parte hotu ne'ebé Tulun no Kolabora hamutuk ona durante kursu ida ne'e la'o husi inísiu to'o Remata no Parabéns ba formadores sira hotu ne'ebé termina ona kursu ida ne'e, hanesan passu importante ida hodi hasa'e tan kapasidade membrus F-FDTL nian ba formadores sira ne'ebé termina ona kursu ne'e, atu buka nafatin oportunidade hodi implementa Buat ne'ebé imi aprende ona." dehan Representante DCP Major Chloe iha Centru Similie Bidau Akadiru-Hun 10 Juñu 2026.
Iha sorin seluk Reprezentante Komandu F-FDTL Tenente Coronel Rui Soares Hateten parte nia orgullu tamba dezenvolve feto militár sira iha formasaun aréa oin-oin ne'e hanesan pasu importante ida iha dezenvolvimentu F-FDTL
"Ha'u kontente hare Formadores sira maioria mesak feto deit laiha mane, ne'e esforsu ne'ebé diak tebes husi Kapitaun Marquita ne'e Hanesan passu importante ida iha dezenvolvimento F-FDTL nian, kursu ida ne'e Importante, hau fiar katak durante loron hirak iha Similie ne'e bele aumenta diak liu tan imi nia abilidade no koñesemento ita bo'ot sira nian sai diak liu tan no hau husu atu tulun mós maluk sira seluk ne'ebé seidauk hetan oportunidade hodi mai tuir kursu iha Similie " Tenente Coronel Soares Orgullu.
Iha Serimónia Entrega Sertifikadu ba Formasaun ne'e Hetan Partisipasaun Husi, Tenente Coronel Rui Soares, Reprezentante Major Chloe Pineiro, Kapitaun Marquita da Cunha no Formadores sira husi Similie inklui mós formandus sira hotu.
Ekipa Média F-FDTL
Francisco
