Membru F-FDTL Kontinua Kursu Kapasitasaun Tékniku Profisionál – Protokolu Estadu (Nível III)

Dili, 04 Agosto 2026

Membru FALINTIL–Forsa Defesa Timor-Leste (F-FDTL) partisipa ho susesu iha Kursu Kapasitasaun Tékniku Profisionál iha Área Protokolu Estadu – Nível III, ne'ebé agora remata ona.

Objetivu hosi formasaun ida-ne'e mak atu hasa'e koñesimentu no kapasidade profisionál membru sira iha área Protokolu Estadu, Etiqueta, serimoniál ofisiál, Komunikasaun Institusionál no Media Officer, atu bele hala'o servisu ho padraun profisionál, disiplina, efisiénsia no tuir norma protokolár nasionál no internasionál.

Durante formasaun ne'e, partisipante sira aprofunda koñesimentu kona-bá organizasaun serimónia ofisiál, precedénsia, relasaun ho média, preparasaun konferénsia imprensa, jestaun imajen institusionál no responsabilidade Media Officer iha apoiu bá lideransa Estadu, Kompeténsia hirak-ne'e importante atu garante katak atividade ofisiál F-FDTL hala'o ho dignidade, kredibilidade no respeitu bá Protokolu Estadu.

F-FDTL kontinua investe iha dezenvolvimentu rekursu umanu atu forma militár sira ne'ebé la'ós deit forte iha área operasionál, maibé mós iha kapasidade profisionál atu reprezenta Instituisaun no Estadu iha atividade ofisiál nasionál no internasionál.

FALINTIL–Forsa Defesa Timor-Leste (F-FDTL) nafatin iha kompromisu atu hari forsa defeza ida ne'ebé moderna, profisionál, disiplina no preparadu atu serví Povu no Nasaun Timor-Leste.

Media F-FDTL

Izidor Lopes & Marques