Membru F-FDTL Na'in 50 Resin Partisipa Iha Ezersísiu Marsa Forsada Husi Tibar To'o Tasi Tolu
Dili, 12 Setembru 2025
Membru FALINTIL-Forsa Defeza Timor-Leste (F-FDTL) husi kuartel Jenerál nain 50-resin partisipa iha ezersísiu Marsa forsada ohin tuku 6:00 dader hahú la'o ain ho distánsia kilomentru hitu (7) hahú husi área Tibar postu Administrativu Bazartete Munisípiu Likisa mai iha Diresaun foho leten Tibar nian, no termina iha estatua João Paulo II Tasi-Tolu.
Marsa forsada tinan ne'e hala'o iha kapitál Dili posibilidade bele fora husi Dili bainhira hetan orden husi Komandu, dehan Xefe Divijaun Finansas Komandu FALINTIL Forsa Defeza Timor -Leste (F-FDTL) Majór Infantaria Domingos Marques da Costa Freitas.
Nia hatutan tan katak Objetivu husi marsa ida ne'e tama ona planu matrix anuál Komandu F-FDTL nian ."Marsa forsada ne'e ne'e atu mantein nafatin forsa sira- nia fizika, mantein opersionalidade forsa nia saúde di'ak nafatin",
Nia dehan, marsa forsa ne'ebé Komandu F-FDTL halo hahú husi área Tibar mai termina iha area João Paulo II ne'e partisipa husi membru nain 50-resin.
"Ezerisisiu ida ne'e fahe bá parte rua hanesan marsa forsada no marsa korrida, bá marsa forsa ne'e tuir martrix ne'ebé iha kada fulan tolu dala ida.
Partisipa iha Marsa Forsada ne'e mak hanesan Membru sira husi Kuartel Jenerál F-FDTL nomós adidos sira husi Komponente no Unidades ne'ebé oras né halo kna'ar iha Kuartel Jenerál F-FDTL.
Média F-FDTL
Nhoy Borges
