Tenente Jenerál Stuart Ho Major Jenerál King Ho Delegasaun To'o Iha Aeroporto Internasionál Prezidente Nicolao Lobato

Dili, 13 Juñu 2025

Xefe Estadu Maior Jenerál do Exército Austrália Tenente Jenerál Simon Stuart, AO, DSC ho Xefe Estadu Maior Jerál Forsas Armadas Nova Zelândia nian Major Jenerál Rose King ho delegasaun to'o iha Aeroporto Internasionál Prezidente Nicolao Lobato ho Aviaun Royal Austrália Air Force.

To'o iha Aeroporto Internasionál Prezidente Nicolao Lobato simu direita husi Xefe Gabinete Apoiu Sosial F-FDTL Koronel Alberto Perreira dos Santos "As Copas".

Tuir oráriu Xefe Estadu Maior Jenerál do Exército Austrália Tenente Jenerál Simon Stuart, AO, DSC ho Xefe Estadu Maior Jerál Forsas Armadas Nova Zelândia Major Jenerál Rose King sei halo enkontru ho Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek, iha Kuartel Jenerál F-FDTL, Fatuhada, Dili.

Alende ida ne'e iha parte meudia nian sei halo vizita mós bá Sentru Instrusaun Komandante Nicolao Lobato Metinaro, no loron Sabadu sei halo vizita bá Unidade FALINTIL hodi hasoru malu ho Komandante Unidade FALINTIL nian iha kna'ar fatin Tasi Tolu.

Australian Embassy, Timor-Leste

New Zealand Embassy in Timor-Leste

Ekipa Média F-FDTL

Nhoy Borges