Vizita Kortezia Husi Adido Defesa Timor-Leste Bá Asintel Panglima TNI Iha Jakarta

Jakarta, 20 Abril 2026

Adidu Defesa Timor-Leste bá Indonésia, Koronel Renilde Guterres Corte Real e Silva, akompanha husi Adjunto Adidu Defesa, 2Ten. Fuzileiros João da Silva Soares, hala’o vizita kortezia bá Asisten Intelijénsia (Asintel) Panglima Tentara Nasionál Indonésia iha Markas Besar TNI (MABES TNI), Cilangkap, Jakarta Timur.

Vizita ne’e realiza iha Sala VIP Paban II/Hublu Sintel TNI, hanesan parte hosi esforsu diplomátiku atu hametin relasaun bilateral iha área defeza entre Timor-Leste no Indonésia, liliu entre Tentara Nasionál Indonésia no FALINTIL-Forsa Defeza Timor-Leste (F-FDTL).

Reprejentante Asintel Panglima TNI, Kolonel AU Yudha Irawan, akompanha husi Letkol. AL Anis Munandar, simu ho di’ak no alegria vizita ida ne’e no reafirma kompromisu atu kontinua hametin relasaun amizade no kooperasaun ne’ebé benefísiu bá Nasaun rua nian. Iha parte seluk, Adidu Defesa Timor-Leste mós hato’o apresiasaun bá resepsaun ne’ebé di’ak no reafirma empeñu atu promove kolaborasaun konstrutivu entre instituisaun Militár rua.

Objetivu prinsipal hosi vizita ida ne’e mak:

Hametin relasaun amizade no kooperasaun bilateral, aumenta koordenasaun iha área intelijénsia Militár, promove no troka informasaun estratéjiku, identifika oportunidade ba formasaun, treinamentu no dezenvolvimentu kapasidade rekursu umanu.

Durante enkontru, parte Asintel Panglima TNI hatudu nakloke no prontidaun atu kontinua hametin kooperasaun ho F-FDTL liu hosi mekanismu troka informasaun no diálogu regular sira. Adidu Defesa Timor-Leste mós enfatiza importánsia relasaun bilateral ne’ebé di’ak, ne’ebé durante tinan sira ikus hatudu progresu pozitivu.

Vizita kortezia ida ne’e konsidera hanesan kontribuisaun importante bá fortalesimentu relasaun institusionál entre Forsa Defeza Nasaun rua. Atmosfera enkontru nian konstrutivu, reflete vontade no amizade forte hosi parte rua atu kontinua kooperasaun.

Vizita ne’e mós hatudu progresu pozitivu iha relasaun bilateral entre Timor-Leste no Indonésia, liliu iha área defeza. Espera katak kooperasaun ne’ebé estabelese sei kontinua kontribui ba estabilidade no paz iha rejiaun.

Media F-FDTL

Adjunto Adido Defesa 2Ten Fuzileiros João da Silva