Xefe Estadu Maior F-FDTL Halo Enkontru Ho Komandante Operasaun PNTL

Kuartel Jenerál, 21 Abril 2026

Xefe Estadu Maior FALINTIL-Forsa Defeza Timor-Leste (F-FDTL) Brigadeiro Jenerál José da Costa Soares 'TRIX' halo enkontru ho Komandante Komandu Operasaun Polísia Nasionál Timor-Leste (PNTL) Komisariu Assistente Polísia Armando Monteiro, iha kna'ar fatin Kuartel Jenerál F-FDTL, Fatuhada, Dili.

Enkontru ne'e ho objetivu atu kontinua hametin kooperasaun iha Operasaun Seguransa no defeza hodi garante páz ho estabilidade hakmatek bá povu no Nasaun iha Timor-Leste.

Iha sorumutu ne'e Komandu PNTL ho F-FDTL partilla hanoin hamutuk hala'o avaliasaun kona-bá prosesu servisu iha nivel operasaun konjunta entre Forsas Armadas ho Polisia Nasionál Timor-Leste hodi garante páz no estabilidade hakmatek bá povu no Nasaun.

Media F-FDTL

Bonifaçio Mendonça