Xefe Estadu Maior Jenerál F-FDTL Partisipa Iha Jogu Finál Liga Futebol Timor-Leste 2026

Dili, 22 Jullu 2026 

Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Domingos Raúl "Falur Rate Laek" nu’udar mós Vise-Prezidente Federasaun Futebol Timor-Leste (FFTL) partisipa iha jogu finál Liga Futebol Timor-Leste 2026, ne'ebé hala'o iha Estadiun Munisipál Dili.

Jogu finál ne'e entre klubu FC. SLB no FC. AITANA, Iha jogu ne'e, FC SLB hatudu nia tátika di'ak desde primeira parte, ho lidera 2-0. Tama ba segunda parte, FC SLB kontinua hatudu dominasaun no konsege hatama tan golu ida, nune'e muda rezultadu ba 3-0. To'o jogu remata, FC SLB manán ho rezultadu finál 3-0.

Partisipasaun Xefe Estadu Maior Jenerál F-FDTL iha eventu desportivu ne'e hatudu kompromisu no apoiu ba dezenvolvimentu futebol no desportu iha Timor-Leste, atu hametin unidade no espírito desportivu entre Juventude timoroan sira nian.

Ekipa Média F-FDTL

Cabo J' Silva