Xefe Estadu Maiór Jenerál F-FDTL Partisipa Karavana OSEANU 2026

Dili, 5 Juñu 2026 

Mundu tomak selebra Loron Mundial ba Tasi (World Ocean Day) inklui Timor-Leste selebra loron Oseanu ne'e ho Karavana ne'ebé partisipa mós husi Xefi Estadu Maiór Jenerál F-FDTL Sua Exelénsia Tenente Jenerál Domingos Raúl "Falur Rate Laek".

Selebrasaun loron Mundiál Oseanu ho objetivu atu hasa’e konsiensia públika kona-ba importánsia oseanu ba vida ema, sustentabilidade ambientál no dezenvolvimentu ekonómiku.

Selebrasaun ne’e mós sai hanesan oportunidade atu reafirma kompromisu Governu nian hodi proteje no jere rekursus marítimu sira ho maneira sustentável ba benefísiu jerasaun agora no futuru.

Selebrasaun loron mundiál tasi refere hodi hasa'e konsiénsia kona-ba importánsia proteje tasi no ekosistema marítimu sira no destaka importánsia atu habo'ot no hametin área konservasaun marítima sira hodi proteje biodiversidade, hamenus impaktu mudansa klimátika no garante sustentabilidade rekursu tasi nian.

Atividade ne'e abertura husi S.E Prezidenti Repùblika ho Primeiru Ministru no partisipa husi Membru Governu inklui komunidade sira.

Ekipa Média F-FDTL

Izidor Lopes