Xefe Estadu Maior Jenerál F-FDTL Simu Vijita Husi Movimentu Aliansa Labarik Feto

Kuartel Jenerál, 05 Agostu 2026

Xefe Estadu Maior Jenerál FALINTIL-Forsa Defesa Timor-Leste (F-FDTL) Tenente Jenerál Falur Rate Laek, ohin simu vijita husi Movimentu Aliansa Labarik Feto iha Kuartel Jenerál F-FDTL, Fatuhada, Díli.

Objetivu husi vijita ne'e mak atu fó oportunidade bá membru sira husi Movimentu Aliansa Labarik Feto atu rona diretamente mensajen husi Xefe Estadu Maior Jenerál F-FDTL kona-bá importánsia aniversáriu Loron Movimentu Aliansa Labarik Feto.

Iha okaziaun ne'e, Tenente Jenerál Falur Rate Laek hatete katak nia sente kontente tebes tanba programa edukativu sira ne'ebé movimentu ne'e hala'o ona to'o iha Suku no Aldeia sira. Nia enkoraja atu kontinua fó edukasaun bá labarik no foin-sa'e sira atu sira bele sai sidadaun di'ak no responsavel.

Nia mós fó apresiasaun bá servisu makas ne'ebé Movimentu Aliansa Labarik Feto halo iha área edukasaun sivika no sidadania, tanba kontribui bá dezenvolvimentu sosiál no hametin konsiénsia komunidade nian.

Media F-FDTL/ Sargento Carceres