Xefe Estadu Maior Jenerál F-FDTL Simu Vizita Husi Embaixadór TL Ba Indonesia
Kuartel Jenerál Fatuhada-Dili, 22 Maio 2026
Xefe Estadu Maior Jenerál F-FDTL Tenente Jenerál Falur Rate Laek simu vizita kortezia ida husi Embaixadór Timor-Leste ba Indonesia Sr. Roberto Sarmento de Oliveira Soares iha kuartel Jenerál Sexta-Feira ne'e.
Durante enkontru, entre lider nain rua ne'e koalia liu kona ba progresu servisu sira ne'ebé Embaixadór durante iha Indonesia ne'ebé halo kooperasaun bilaterál ida metin tebes ho nune'e Xefe Estadu Maior Jenerál F-FDTL mós enkoraja Embaixadór TL ba Indonesia atu kontinua servisu makas hodi hametin amizade ida diak liu tan.
Hafoin termina, Xefe Estadu Maior Jenerál F-FDTL tara mós tais no entrega livru ba iha Embaixadór TL ba Indonesia nian, nune'e mós Embaixadór mós entrega simbolikamente plaka husi Embaixada Indonesia nian ba iha Xefe Estadu Maior Jenerál F-FDTL hanesan simbolu amizade atu hametin relasaun servisu ida metin liu tan.
Ekipa Média F-FDTL
Boni Mendonça
