Xefe Estadu Maior Jenerál F-FDTL Simu Vizita Husi Major Jenerál Guarda Nasionál Rhode Island Estadus Unidus Amérika

Kuartel Jenerál, 31 Marsu 2026

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek ohin hetan vizita husi Majór Jenerál Andrew J. Chevalier husi Guarda Nasionál Rhode Island hodi aprezenta asuntu kona-bá apoiu bá ezersisíu dezastre Naturais no umanitariu iha âmbitu Forsas Armadas nian.

Nia dehan, ohin diskusaun itoan ho Majór Jenerál Andrew J Chevalier husi Guarda Nasionál Rhode Island Estadus Unidus Amérika kona-bá programa ne'ebé mak iha tinan 2023 asina ona ho asesor Jenerál USA.

Iha diskusaun ne'e koalia mós kona-bá kursu formasaun no kapasitasaun bá lian ingles iha sira nia rai, no koalia mós kona-bá ezersisíu konsuntu, kombinadu multilateral bilateral ne'ebé halo iha pais ida ne'e.

"Sira mós Apoiu investimentu parte logistika nian kona-bá doasaun ne'ebé sira fó, kona-bá istalasaun apoiu ita nia Komponente Aéreo iha Baucau no meus seluk ne'ebé sira fó no nia manutensaun,"hatete Xefe Estadu Maior Jenerál FALINTIL -Forsa Defeza Timor-Leste (F-FDTL) Tenente Jenerál Domingos Raul "Falur Rate Laek".

"Ohin koalia mós rezultadu diskusaun ho ita nia ministru kona-bá dokumentu refrensia ne'ebé ita nia Governu fó sai para uniformiza ho regula, purtantu Kooperasaun bilateral hotu-hotu ho paises ne'ebé sira halo. Sira mantein servisu hanesan fó kapasitasaun bá ita nia Komponente Naval no Komponente Terrestre no bá ita nia rekursu umanus" nia informa.

"Sira nia apoiu ne'e ita prioridade rekursu umanus tanba dezenvolvimentu teknolojiku no mudansa siensia militares sira kuaze mudansa iha tempu 24 oras, entaun ita prepara ita nia rekursu umanus", nia konklui.

Media F-FDTL