Xefe Estadu Maior Jenerál F-FDTL Vijita Postu Fuzileiros Iha RAEOA

RAEOA, 26 Setembru 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek akompanha husi Segundo Komandante Komponente Naval Kapitaun Fragata Guido Guterres no Adjunto Divijaun Lojistika Major Infantaria Grigório Soares ho delegasaun halo Vijita bá Postu destakadu F-FDTL Komponente Naval husi Korpu Fuzileiros iha Oebau, Rejiaun Administrativa Espesial Oekuse (AMBENO).

Iha enkontru Xefe Estadu Maior Jenerál F-FDTL Tenente Jenerál Falur Rate Laek husu membru Komponente Naval ne'ebé destakadu iha Oebau, atu mantein nafatin disiplina loyal bá Komandante sira, respeitu autoridade lokal no komunidade Oekusse tomak, nafatin halo kordenasaun diak ho Prezidente Autoridade Rejiaun Administrativa Espesial Oekuse (AMBENO) no kontrola ekipamentus sira.

" Husu bá ita-bo'ot sira kontinua kria Relasaun diak ho Prezidente Autoridade RAEOA nomós Povu Oekusse tomak, tamba Itá nia Forsa mak povu, ne'e duni husu bá ita-bo'ot sira atu mantein disiplina no kontinua kria amizade diak ho ita nia komunidade sira".

Media F-FDTL

Alferes Pio Belo

2' Sargento Carceres