Adido Defesa Timor-Leste Bá Indonésia Halo Vijita Servisu Nian Bá Ministériu Defesa RI No Kuartel Jenerál TNI Nian

Indonésia, 17-19 Dezembru 2025

Adido Defesa Timor-Leste bá Indonésia Koronel Renilde Guterres Corte Real e Silva, akompanha husi Tenente Koronel(Grad)José Pinto, no Sten Fuzieliros João da Silva Soares (Adjunto Adido Defesa), halo vijita servisu nian bá iha Kementrian Pertahanan RI (Kemhan) no Kuartel Jenerál TNI AD, TNI AL no TNI AU.

Iha vizita ne’e Adido Defeza ho ekipa hasoru malu ho Brigadeiro Jenerál Valian nu'udar Asisten Inteligen TNI AD (Asintel AD), Brigadeiro Jenerál M. Lufti, Direktorat Kerjasama International Kementrian Pertahanan(Dirkersinhan), Laksamana Muda. Akmal, Asinten Inteligen(Asintel) kepala Staff angkatan Laut, Marsekal Madya(Marsha)Untung Suropati, Asintel Angkatan Udara (AU).

Objetivu husi Vijita Ofisiál ida ne'e maka hanesan atu hametin diak nafatin relasaun F-FDTL HO TNI NIAN iha Futuru.

Sorumutu ne'e hanesan Adidu Defeza ho Adjunto foun introdús an bá nia homólogu sira, no agradese bá servisu Hamutuk sira ne'ebé durante ne’e hala’o.

Alende ne'e kontinua nafatin hametin Relasaun Defeza Bilaterál sira, reflete kompromisu atu mantein no hasa’e kooperasaun defeza bilaterál ho Indonézia, partikularmente liu husi envolvimentu institusionál ho Forsas Armadas Indonésia (TNI) no F-FDTL.

Kontinua no Hasa'e Envolvimentu Militár bá Militár, Enkontru sira ho Mabes AD, Mabes AL, no Mabes AU fó oportunidade atu hametin komunikasaun no koordenasaun entre respetivu servisu Militár sira, hodi haburas komfia Sá no komprensaun mútua.

Apoia Diplomasia Defeza nian, oinsá atu hametin nafatin relasaun amizade entre Nasaun vizinu rua iha Futuru, liu liu iha área Defeza Militár nian.

Esplora Área sira iha Kooperasaun Prátika nian, no permite diskusaun kona-bá área kooperasaun potensiál sira hanesan edukasaun no formasaun, kapasitasaun, ezersísiu konjuntu sira.

Estabelese Rede Pesoál no Institusionál sira, kontinua estabelese relasaun servisu entre ofisiál defeza sira, ne'ebé esensiál bá komunikasaun no koordenasaun ne'ebé efetivu iha inisiativa kooperasaun sira iha futuru.

Durante Vizita kortezia La’o ho diak tebes Tamba nakonu ho relasaun emosional, Amigavel no ksolok.

Media F-FDTL

Adido Defesa Timor-Leste bá Indonésia