Adido Defesa Timor Leste iha Jakarta partisipa iha Serimónia Enseramentu Ezercísiu Latgabma Malindo Darsasa 12AB/2026 iha Bandar Lampung, Sumatera, Indonesia

25 Juñu 2026

Adido Defesa Timor Leste iha Indonesia Koronel Renilde Guterres Corte Real e Silva, Acompaña husi Adjunto Adido Defesa 2Ten. Fuzileiro João da Silva Soares Atende konvite ofisiál husi Tentara Nasional Indonesia (TNI) hodi partisipa iha Serimónia Enseramentu Ezercísiu Latgabma Malindo Darsasa 12AB/2026, iha provinsia Lampung, hanesan observador no parte husi kooperasaun defesa rejionál.

Serimónia enseramentu ne’e lidera husi Asisten Operasi Panglima TNI, Letjen TNI Bobby Rinal Makmun, ne’ebé reprezenta Panglima TNI no acompaña husi Panglima Komando Daerah Militer (Pangdam) XXI/Radin Inten Mayjen TNI Kristomei Sianturi, Iha okaziaun ne’e mos partisipa reprezentante husi Angkatan Tentera Malaysia (ATM), autoridade sivil no militar Indonesia, no observador sira husi nasaun parseiru.

Antes serimónia enseramentu, Adido Defesa ho Adjunto mos acompaña direita participante sira halo demonstrasaun Full Mission Profile (FMP) ho senáriu resposta ba dezastre tsunami, inklui operasaun busca no salvamentu (SAR), evacuasaun terrestre, marítima no aérea, asisténsia umanitária, no jestaun kampu ba refujiadu sira.

Tuir observasaun Adido Defesa katak; Ezercísiu ne’e hatudu kapasidade interoperabilidade entre TNI no ATM aumenta liu husi treinamentu konjuntu,

Fó prioridade ba operasaun asisténsia umanitária no resposta ba dezastre naturál ne’ebé relevante ba rejiaun ASEAN, Atividade “Civic Action Program”hanesan servisu saúde gratuita, rehabilitasaun infraestrutura komunidade, doasaun ran no distribuisaun ajuda sosial hodi Haforsa no aumenta relasaun ne’ebe forte entre militar ho komunidade sira.

Partisipasaun Adidu Defesa Timor-Leste iha atividade ida-ne’e ho obejetivu hodi Hametin relasaun bilateral entre F-FDTL no Timor-Leste ho Indonézia, Habelar rede kooperasaun ho TNI, ATM no parseiru defesa rejionál, observa prosedimentu operasaun multinasionál iha área resposta ba dezastre ho asisténsia umanitária no Kontribui ba preparasaun Timor-Leste atu aumenta kapasidade kooperasaun militar iha rejiaun, no Apoia preparasaun F-FDTL atu integra liután iha estrutura seguransa rejionál.

Partisipasaun Adidu Defesa RDTL iha Serimónia Enseramentu Ezercísiu Latgabma Malindo Darsasa 12AB/2026 ida ne’e mos reflete kompromisu F-FDTL no Timor-Leste atu kontinua hametin diplomasia defesa, promove konfiansa mútua, no dezenvolve kooperasaun militar ho nasaun sira iha rejiaun, liuliu iha área resposta ba dezastre, asisténsia umanitária no estabilidade rejionál, no Identifika área potensial ba kooperasaun futura entre F-FDTL no forsa armada rejionál.

Ekipa Média F-FDTL

Adjunto Adidu Defeza TL iha Indo

2' Ten. Fuzileiros João da Silva Soares