Selecione o seu idioma
NOTISIA
Adido Defeza Timor Leste Iha Jakarta Partisipa Iha Serimónia Enseramentu Bá Programa Edukasaun Kadete Akadémia Militár (AKMIL) Tinan 2026
Indonesia,16 Jullu 2026
Tuir konvite ofisiál husi kuartel Jenerál Tentara Nasionál Indonesia (Mabes TNI), Adido Defeza Timor Leste iha Jakarta Coronel Renilde Guterres Corte Real e Silva ho Espouza Sra. Maria Fatima da Costa Alves, no Akompaña husi Adjuntu Adidu Defeza 2Ten. Fuzileiro João da Silva Soares partisipa iha Serimónia Enseramentu ba Programa Edukasaun Kadetes Akademia Militár (AKMIL) Tinan Akademiku 2026, ne’ebe realiza iha Cilangkap, Jakarta Leste.
Serimónia ne’e marka etapa importante ida iha edukasaun no formasaun militar ba kandidatu ofisiál juniór (Calon Perwira Remaja-sigla Indonesia, ) sira, molok simu komisaun sai nu’udar ofisiál juniór TNI iha Serimónia Prasetya Perwira (Praspa) ne’ebe sei Prezide direta husi Prezidente da Republika Indonesia iha Istana Negara, Jakarta Sentral iha Loron 22 Jullu 2026.
Iha ambitu enseramentu ida ne’e realiza ho atmosfera solene no tuir protokolu militar TNI, ne’ebe lidera no ofisialmente ensera husi Chefe Estado Maiór General TNI(Panglima TNI), Jenerál Agus Subiyanto, akompaña husi Xefe Estadu Maiór Ezérsitu Jenerál Maruli Simanjuntak, Xefe Estadu Maiór Naval Almirante Muhammad Ali, no Xefe Estadu Maiór Forsa Aérea Jenerál (Marchal) Mohamad Tonny Harjono, no partisapa husi Governador Akademia Militár, Ofisiál superiores sira husi Quartel General TNI, Governador Akademia Angkatan Laut, Akademia Angkatan Udara no Akademia Kepolisian, Espouza sira, Adido Defeza Timor Leste ho equipa, Família kadetes no konvidadu ofisiál sira.
Iha atmosfera solene ne’e, Chefe Estado Maior General TNI(Panglima TNI) taka ofisialmente Programa Formasaun Dahuluk Akademia TNI 2026 nian, hodi marka finál ba série tomak programa formasaun ofisiál foin sa'e sira-nian.
Serimónia ne'e kontinua ho Juramentu kadetes sira nian no aprezentasaun Medalla Adhi Makayasa no diploma sira ba graduadu sira ne'ebé di'ak liu. Hanesan faze importante ida hodi prepara ofisiál foin-sa’e sira ne’ebé reziliente, profisionál, iha kualidade lideransa, no iha espíritu integrasaun inter-servisu hodi hala’o sira-nia kna’ar servisu ba nasaun no estadu no salvaguarda soberania iha dinámika jeopolítika globál nia leet.
Portantu,Total Kadetes hamutuk ema Na’in 898 mak kompleta ona sira nia kursu ka estudu dahuluk, kompostu husi graduadu 507 husi Akademia Militár Darat/Terrestre (AAD) Ema Na’in 227 husi Akademia Naval (AAL), no Na’in 153 husi Akademia Forsa Aérea (AAU). Serimónia ne’e partisipa mós husi ofisiál Junior na’in 7 ne’ebé graduadu husi akademia militár estranjeiru no kadetes na’in 4 husi Timor Leste ne’ebé kompleta ona sira nia edukasaun iha akademia TNI ho hatudu rezultadu ne’ebe satisfatóriu.
Kadetes Timor Leste Na’in-4 ne'ebe kompleta sira nia edukasaun iha akademia Militar TNI hanesan Keyduli R.G. de Jesus Carvalho( Infantaria),Giovanino Fatima dos Santos Alves(Polisia Militar),Expery J. Gomes Raul (Aero),Lucas Mau-Buti A. Santos(Naval).
Ho Graduasaun kadete Timor-oan nain 4 husi Akademia Militár (AKMIL) Indonézia iha tinan 2026 marka momentu istoriku ida iha relasaun bilateral entre Timor-Leste no Indonézia, partikularmente iha instituisaun F-FDTL ho TNI iha área kooperasaun edukasaun no formasaun militár.
Pela primeira vez, kadete Timor-oan sira remata ho susesu programa edukasaun militár iha Akademia Militár Indonézia no prepara-an atu serve FALINTIL–Forças de Defesa de Timor Leste (F-FDTL) hanesan ofisiál foun. Konkista ida-ne’e reflete nivel konfiansa, amizade no kooperasaun ne’ebé buras entre instituisaun defesa Timor Leste ho Indonesia nia.
Graduasaun ida ne’e la’ós deit susesu ba kadete sira no família sira, maibé mos sai simbolu ida ba fortalese relasaun estratéjika entre Timor Leste no Indonézia, liu husi dezenvolvimentu rekursus umanu, troka esperiénsia profesionál no hametin kapasidade institusionál iha setor defesa, liu-liu entre F-FDTL ho TNI.
Momentu istóriku ida ne’e sei hela hanesan milestone importante ida iha istória kooperasaun defeza entre nasaun rua, no kontribui ba promove paz, estabilidade no amizade duradoura iha rejiaun.
Durante atividade, Adido Defeza halo interasaun diplomátika ho autoridade a’as militar Indonesia nian no estrutura, hodi demonstra kompromisu Timor Leste atu kontinua haforsa kooperasaun. Iha tempo hanesan Representa instituisaun hato’o apresiasaun klean no agradese wain ba edukasaun tomak ba kadetes Timor Leste.
Nune’e mos realiza enkontru ho kadete Timor-oan sira ne’ebé remata edukasaun, hodi hato’o parabéns no hakbiit moral atu kontinua dedika an hodi kontinua sira nian formasaun tuir ida-diak nia espesialidade iha fulan Agusto 2026 iha Academia Indonesia.
Prezensa Adido Defeza ho equipa simu apresiasaun klean husi autoridade a’as TNI nian, ne’ebé konsidera partisipasaun Timor-Leste nian nu’udar reflexu husi relasaun bilateral ne’ebé metin no forte entre TNI ho F-FDTL no nasaun rua.
Partisipasaun Adido Defeza ho equipa iha Serimónia Enseramentu Programa Edukasaun Kadete Akademia Militár (Akmil) Tinan 2026 lao ho di’ak tebes no atinje objetivu diplomátiku no institusionál sira no demonstra nivel konfiansa mútua entre instituisaun no Governu rua no reafirma relasaun amizade ne’ebé forte entre Timor-Leste ho Indonesia no hatudu katak kooperasaun iha área defeza kontinua sai pilar importante ida ba relasaun bilateral.
Ekipa Média F-FDTL
Adjuntu AD. 2Ten. Fuzileiro João da Silva. Soares
Related Articles
Semak Ami
Saida Mak Ami Halo
Kontaktu Ami
Ave. Nicolao Lobato, Fatuhada
Comoro, Dili, Timor-Leste
Tel: +670 78156312
Email: info@fdtl.mil.tl
