Adidu Defeza Austrália Atual Hasoru Xefe Estadu Maior Jenerál F-FDTL

Kuartel Jenerál Fatuhada, 22 Jullu 2026

Dili, Timor-Leste -Adidu Defeza Austrália iha Timor-Leste, Kapitán Matthew Richardson (Royal Australian Navy), hala'o enkontru ho Xefe Estadu Maior Jenerál F-FDTL Tenente Jenerál Falur Rate Laek iha Kuartel Jenerál F-FDTL Fatuhada.

Enkontru ne'e sai oportunidade importante atu halo koñesimentu no hametin relasaun kooperasaun entre F-FDTL no Forças Armadas Austrália, liuliu iha área defeza no seguransa nian.

Iha enkontru ne'e, parte rua mós ko'alia kona-ba possibilidade atu kontinua aumenta no hametin apoiu no kooperasaun ba F-FDTL liuliu iha área formasaun, instrusaun no dezenvolvimentu kapasidade membru F-FDTL sira nian.

Kooperasaun ne'e konsidera importante atu ajuda hadi'a kualidade treinamentu no kapasidade institusionál F-FDTL iha futuru.

Ekipa Média F-FDTL

Cabo J' Silva