Komandu F-FDTL Halo Promosaun No Kondekorasaun Bá Militár Forsa Apoiu Jeral Iha Metinaro
Metinaro, 09 Fevereiru 2026
Komandu FALINTIL-Forsa Defeza Timor-Leste (F-FDTL) liu husi Forsa Apoiu Jeral ohin Realija serimónia promosaun no Kondekorasaun bá Militár sira iha Sentru Instrusaun Komandante Nicolau Lobato Metinaro.
Promosaun refere basea bá despacho husi S.E. Xefe Estadu Maior Jenerál F-FDTL Nº 001/CEMG/2026 Iha loron 02 Fulan Fevereiru Tinan 2026 no Serimónia simu kondekorasaun husi Instituisaun bá Militár sira ne'ebé servisu ona tinan 25.
Militár promovidos hirak ne'e kompostu husi Posto Tenente bá Kapitaun nain 7, husi Postu Alferes bá Tenente nain 6, 2'Sargento bá Alferes Nain ida, husi 1Sargento bá Ajudante nain 9, husi 2⁰Sargento ba 1⁰Sargento nain 2 no husi Soldado bá 1⁰cabo nain 73.
Iha Serimónia simu kondekorasaun maka hanesan, graun ouru nain 28 no grau prata nain 8 ho total membros nain 36 husi Forsa Apoiu Jeral Metinaro.
Iha diskursu Komandante Forsa Apoiu Jeral Tenente Koronel João Bosco Ximenes 'LENOK' hateten, Lori Instituisaun nia naran lá haluha hato'o mós parabéns bá promovido sira no kondekorado sira, deviza ne'ebé tula iha imi nia kabaas hanesan todan ne'ebé aumenta iha imi nia kna'ar servisu nian no aumenta imi nia responsabilidade hodi servi Nasaun liu husi Institusaun FALINTIL-FDTL.
Nia hatutan lá haluha mós rekunhese Forsa hirak ne'ebé simu ona kondekorasaun ida ne'e atu rekunhese forsa hirak ne'ebé servisu ona iha Institusaun F-FDTL durante tinan 25.
Media F-FDTL
Força de Apoio Geral Metinaro
Alf. Doni D. Martins
Cabo Ercio
Sold. Torezào
