Komandu F-FDTL Ho Ministériu Defeza Ohin Realiza Serimónia Isar Bandeira Nasionál Semana Dahuluk Fulan Jullu

Kuartél Jenerál, 07 Jullu 2025

Komandu FALINTIL-Forsa Defeza Timor-Leste (F-FDTL) husi Kuartél Jenerál hamutuk ho Funsionáriu husi Ministériu Defeza (MD) ohin realiza serimónia Isar Bandeira Nasionál bá semana dahuluk fulan Jullu tinan 2025 iha resintu Kuartél Jenéral Fatuhada Dili.

Iha Serimónia ne’e Xefe Estadu Maiór F-FDTL, Brigadeiro Jenéral, José da Costa Soares “TRIX”, hanesan inspetór bá serimónia hasa’e Bandeira hateten Ita tama bá fulan Jullu babain ita hatete iha fulan Jullu bá oin maka ita refleta saida maka ita halo tiha ona iha tempu ikus bá Primeiru Semestre.

“Atividade saida, programa saida maka ita hahú hodi implementa bá tinan ida ne’e Partikularmente bá atividade ida-idak ninia ne’ebé ita hahú iha ita nia servisu loro-loron nian tantu iha tekniku operasionál, tantu iha administrasaun no iha ne’ebé de’it no loron no fulan Agostu maka loron importante tebes bá ita hotu, laos de’it bá FALINTIL maibé bá ita hotu FALINTIL F-FDTL tantu Ministériu Defeza ho Instituisaun sira seluk.

Husu bá Ministériu Defeza ho Instituisaun F-FDTL kontinua servisu hamutuk nafatin hodi halo preparasaun maximu bá iha loron FALINTIL 20 de Agosto nian. Hakotu Xefe Estadu Maior Brigadeiru Jenerál TRIX.

Média F-FDTL

Nhoy Borges

Evaristo Das Dores