Komandu F-FDTL Ho PNTL Sei Garante Seguransa Bá Natal No Tinan Foun
Dili, 20 Dezembro 2024.
Ohin FALINTIL-Forsa Defesa Timor-Leste (F-FDTL) no Polisia Nasionál Timor-Leste (PNTL) halo abertura bá operasaun konjunta hodi garante seguransa durante festa natal no tinan foun iha Teritoria Timor laran tomak, no komandu rua ne’e sei la tolera kriminoju sira atu halo perturbasaun bá loron bo’ot natal no tinan foun.
Iha dirkursu Xefe Estadu Maior FALINTIL-Forsa Defesa Timor-Leste (F-FDTL) Brigadeiro Jenerál José da Costa Soares “TRIX” hateten, ida ne’e la’os buat foun ida bá ita, maibé ida ne’e servisu lorloron, liuliu PNTL ne’ebé nanis kedas iha fatin ne’ebe deit sira sempre Servisu hamutuk no kopera hamutuk ho komandu F-FDTL.
Tinan ida ne’e 2024 kooperasaun FALINTIL-FDTL no PNTL servisu lubuk ida ita halo ho sucessu, e sucessu ida ne’e hetan rekonesimentu husi ita nia sua exçia Prezidente da Repúblika nu’udar mós Komandante Supremu bá Forsas Armadas nian, misaun konkreta ne’ebé ita hala’o ho diak bá fulan hirak nia laran hahu tinan 2024 maka hanesan Vijita Sekretariu Jerál ONU nian no Vijita Sua Santidade Papa Francisco mai Timor-Leste no ohin ita sei iha tan misaun ida atu garante festa natal no tinan foun ho diak.
Nia hatutan tan katak ohin ita atu ezekuta tan rezolusaun Governu nian foin lalais hasai ona bá ita komandu rua ne’e atu garante tan seguransa bá loron bo’ot natal no tinan foun ida ne’e, atu nune ita povu iha timor laran tomak hodi selebra loron bo’ot ne’e ho diak no estabilidade, dame no iha paz nia laran.
No kamndu FALINTIL-FDTL mós liu husi biban ida ne’e hakarak hato’o Boas Festa do Santo Natal 2024 e Feliz Tinan Foun 2025
Media F-FDTL
