Komandu F-FDTL Husi Kuartel Jenerál Fó Kondekorasaun No Promosaun Bá Militár Sira

Kuartel Jenerál, 13 Fevereiru 2026

Komandu FALINTIL-Forsa Defeza Timor-Leste (F-FDTL) liu husi Kuartel Jenerál fó Kondekorasaun bá Militár 01 sira no halo promosaun postu bá Militár sira ne’ebé remata ona kursu kompostu husi Tenente bá kapitaun nain-2, Alferes bá Tenente nain-1, Sarjentu Ajudadante bá Sarjentu Chefe nain-1, Soldado bá Cabo nain-24, serimónia refere realija iha Salaun Auditoriu Kuartel Jenerál F-FDTL Fatuhada, Dili.

Iha diskursu Vise Xefe Estadu Maior Jenerál FALINTIL-FDTL Major Jenerál Calisto Santos-Coliati hateten, ohin ita hala’o serimónia Promosaun ida ne’e hanesan kontinuasaun husi Aileu nian to’o ohin loron, ne’ebé maka ita halo abertura iha Aileu, husu bá militár sira ne’ebé mak ohin hetan promosaun ida ne’e, hanesan sinál rekoñesimentu ida ne’ebé komandu fó bá ita bo’ot sira, katak ita bo’ot sira hakat tan pasu ida signifika aumenta tan responsabilidade maibé la’os atu amentan tan dapur ida.

Ekipa Média F-FDTL