Komandu FALINTIL-FDTL Liu Husi Kuartel Jenerál Ohin Halo Promosaun Tenente Bá Kapitaun

Kuartel jenerál, 06 Agostu 2025

FALINTIL-Forsa Defeza Timor-Leste (F-FDTL) liu husi Kuartel Jenerál ohin halo serimónia promosaun bá Tenente Rui Pereira de Jesus bá Postu Kapitaun.

Iha diskursu Adjunto Xefe Estadu Maior FALINTIL-Forsa Defeza Timor-Leste (F-FDTL) Koronel Renilde Guterres Corte Real e Silva hateten, husu bá ita bo’ot ne’ebé ohin hetan promosaun ne’e hanesan ita kontente maibé toma mós grande responsabilidade bo’ot ida bá ita bo’ot, ne’ebé responsabilidade ne’e tula ona, iha ita nia kabas responsabilija tuir ita nia kareira no tuir ita nia patente ne’ebé iha, obrigado barak bá ita bo’ot nia prestasaun, durante ne’e hatudu ona, no merese duni halo promosaun.

Ita nia instituisaun fó opurtunidade bá ita no ita tenke aproveita simu buat ne’ebé komandu fó bá ita, hanesan ohin hau dehan ita nia postu aumenta e aumenta mós ita nia funsaun.

Promosaun ne’e bazea bá dekreitu Lei no 33/2020 iha estatuto Militár FALINTIL-FDTL 02 Setembro, altera husi dekreitu lei no 21/2024 de 24 Abril.

Media F-FDTL

Grumete Cheko