KOMANDU FALINTIL-FDTL OHIN HALO PROMOSAUN POSTO MAJOR BÁ KAPITAUN JETO

Kuartel Jenerál, 22 Outubru 2025

 

FALINTIL - Forsa Defeza Timor - Leste (F-FDTL) ohin halo Promosaun Posto Major bá Kapitaun José Antonio Nunes da Costa, serimónia promosaun ne'e prezide husi Xefe Gabinete Xefe Estadu Maior Jenerál F-FDTL Koronel Guido de Oliveira "Coitado" iha Kuartel Jenerál F-FDTL Fatuhada, Díli.

 

Iha diskursu Koronel Guido de Oliveira "Coitado" apela bá membru sira katak promosaun ida ne'e hanesan aumentan tan todan ida bá Itá nia kabas.

Kontinua ita bo'ot nia servisu simu funsaun ida ne'ebé ita bo'ot simu e espera katak iha futuru sei diak liu tan.

 

Bá Militár sira hotu buat ida promosaun ne'e hanesan konkista ida liu husi imi nia disiplina liu husi dedikasaum no liu husi komitmentu bá ema ida idak, la'os bá ema ida deit, maibé konkista ita sevisu bá rejultadu diak mak ita hetan promosaun, tamba ida ne'e mak ita nia kapitaun José António ohin Itá promove bá Major, ne'ebé ohin ita halo tamba ninia dedikasaun bá nia komitmentu lao kleur tebes e ohin bele hetan Posto ida ne'e, dehan Koronel Guido.

 

Nia hatutan tan katak, tamba ida ne'e maka dala ida tan husu bá ita bo'ot sira mantein disiplina mantein ita bo'ot sira nia komitmentu atu servi ita nia Instituisaun no servi ita nia Estado liu liu halo defeza bá ita nia rai no defeza bá ita nia país. remata

 

Media F-FDTL

Izidor Lopes