Komandu Komponente Terestrre F-FDTL Fó Kondekorasaun No Promosaun Bá Militár Sira

Baucau, 09 Fevereiru 2026

Komandu FALINTIL-Forsa Defeza Timor-Leste (F-FDTL) liu husi Komponente Forsa Terrestre fó Kondekorasaun bá Militár 01 sira no halo prmosaun postu bá Militár sira ne’ebé maka remata ona kursu kompostu husi Tenente bá kapitaun nain-5, Alferes bá Tenente nain-8 no Primeiru Sarjentu bá Sarjentu Ajudadante nain-2, Segundo Sarjentu bá Primeiru Sarjentu nain-1 inklui Soldado bá Postu Cabo nain-69, serimónia refere realija iha baze Komponente Terestrre Baucau.

Iha diskursu Vise Xefe Estadu Maior Jenerál FALINTIL-FDTL Major Jenerál Calisto Santos ‘Coliati’ hateten, ohin hanesan onra bo’ot no sentidu sentimentu responsabilidade mak ohin hau prejide serimónia komemorativu komponente Terrestre FALINTIL-Forsa defeza Timor-Leste (F-FDTL) nian iha loron 09 fulan Fevereiru tinan ida ne’e, data ida ne’ebé iha signifikadu espesial bá Instituisaun Militár no bá istória Nasaun foun ida ne’e nian, Komponente Terrestre maka hanesan pilar prinsipal Defesa nasionál ne’ebé garante soberania integridade territorial no seguransa povu Timor-Leste, durante nia ejistensia nu’udar instituisaun nia hatudu profisionalismo disiplina no lealidade bá konstituisaun da Repúblika demokrátika Timor-Leste no bá autridade lejitima bá estadu.

Nia hatutan tan katak loron ida ohin ita presta omenajem bá militár sira husi primeiru batallaun tinan 2001 sira ne’ebé iha linha oin bá prosesu formasaun FALINTIL-FDTL nian, fó koragem esprito sakrifisiu sira transforma eransa FALINTIL nu’udar gerileirus atu sai Forsas Armadas ida nasionál profisional unida no respeitadu.

Iha fatin hanesan Komandante Komopnente Terrestre Koronel Operações Especiais Domingos da Costa Soares “DOBU” hatete, Komponente Terrestre aumenta tan pasu ida ne’ebé hetan rekonesimentu bá esforsu koletivu no dedikasaun sira.

Promosaun bá klase kapitaun tenente sarjentus no cabus, bá promovidus sira, kadeia de komandu mak hanesan isin ida hodi garante ordem no unidade atu hala’o misaun ho susesu, hirakia konfere ordem responsabilidade no kadeia komandu sagradu ne’ebé permite mai Ita. Atu opera hanesan isin ida deit ho promosoens ida ohin atu aumenta tan responsabilidade iha imi nia misaun loron loron ninian.

Promosaun ida ohin marka prezensa ne’ebé sai sasin husi aman luta dor funu nain sira ne’ebé forma gerilha bá forsa konvensional ida, ne’e hanesan ezemplu orgullu bo’ot atu motiva no sai espelu patriotismo no nasionalismo.

Nu’udar komandnte Komopnente Terrestre hau hamrik iha aman no mestri sra nia oin la’os nu’udar ofisial superior tuir pozisaun ka postu Maibé nu’udar oan no estudante ida iha profesor sra nia oin.

Bainhira hare bá formatura Militár tranzisaun bá reforma no reserva nu’udar jerasaun foun hau reflete no imagina oinsá aman sira, uluk iha ai-laran halo sakrifisiu atu nune’e ohin loron ami bele toba ho kondisaun diak no fasilidade servisu nian diak.

Hau imajina hamlaha ne’ebé aman sira tahan atu ohin loron ami bele iha rasaun kombate nu’udar Forsas Armadas reguler ida iha Nasaun seoberania no independénsia, hau imagina sakrifisiu ne’ebé aman sira hari FALINTIL-FDTL ne’ebé jerasaun foun sira hambrik iha fileira hodi iha mahon atu hodi servi no hametin vida estadu nian.

Aman sira ne’ebé transforma forsa gerillia bá forsa FALINTIL nian bá pilar convensional F-FDTL nian kompleta ona misaun ida ne’ebé lulik hari no husik hela sakrifisiu mai jerasaun foun, mensagem simples ami sala desipsiona imi ami nia domin no agradesimentu bá imi laiha sa sukat no laiha rohan

Disiplina ne’ebé imi kuda mai ami soberania ne’ebé imi Konkista bá ami instituisaun ida ne’ebé imi konsolida agora iha ami jerasaun foun sira nia liman responsabilidade ne’ebé bo’ot maibé ami sei lori ho beran tomak ne’ebé imi hanorin mai ami durante tinan rua nulu resin nia laran .

Hanesan jerasaun foun lori forsa tomak CT nian, atu sai nafatin busula moral bá Komponente Terestrre, ami presiza aman sira nia kontinua sai matan no tilun bainhira hare ami lao sala hadia no kurizi ami, bainhira karik haree ameasa sira atu estraga rai doben ida ne’ebé imi hari ho kosar no matan ben ho ruin no ran, fó hatene mai ami sentidu pertense sei rohan laek tamba imi Mak F-FDTL nia hun no abut. Remata

Ekipa Media F-FDTL

Domingos Sarmento