Komandu PNTL Hasoru Malu Ho CEMGFA Relata Servisu Konjuntu Entre Instituisaun Rua
Kuartel Jenerál, 01 Jullu 2025
Komandu Polísia Nasionál Timor-Leste (PNTL) liu husi Inspektor Celestino S. Mendonça hamutuk ho Inspektor Xefe Aleixo J. da Costa inklui mós Tenente Natalino do Rosario Marques dadaun servisu hamutuk Hasoru malu ho Chefe Estado Maior General Forsas Armadas (CEMGFA-Sigla Portiguês) Tenente General Domingos Raúl "Falur Rate Laek" iha nia Kna'ar fatin Kuartel Jenerál Fatuhada Dili Tersa-Feira ne'e.
Objetivu husi Hasoru malu ne'e komandu PNTL liu husi Inspektor Celestino Mendonça hamutuk inspektor Xefe Relata servisu ba CEMGFA kona ba progresu no dezafius sira ne'ebé mak durante ekipa konjunta entre FALINTIL-Forsa Defeza Timor-Leste (F-FDTL) no mós Polícia Nasionál Timor-Leste (PNTL) enfrenta aumezmu tempu husu mós CEMGFA atu hare mós ba nesesidade ne'ebé ekipa konjunta entre instituisaun rua dadaun ne'e presiza.
Xefe Estadu Maior Jenerál mós hato'o Agradese bá servisu entre instituisaun rua ne'e, bá oin sei esforsu liu tan servisu hamutuk ho Komandu PNTL hodi hadia dezafius sira ne'ebé mak dadaun ne'e Ekipa konjunta rua ne'e presiza hodi mellora di'ak liu tan servisu sira iha Futuru mai.
Ekipa Média F-FDTL
Boni Mendonça
