NOTISIA

Komisaun Organizadora Hala’o Enkontru Ho Liñas Ministeriais Sira Hodi Prepara Ba Selebrasaun Loron FALINTIL 20 Agostu Bá Dala-51 Iha Foho Matebian

Media F-FDTL QG Notisia 27 de julho de 2026 Hare na'in: 6 0 minutes read

Kuartél Jenerál, 24 Jullu 2026

Komandu FALINTIL-Forsa Defeza Timor-Leste(F-FDTL) liu husi Xefe Estadu Maior F-FDTL Brigadeiro Jenerál José da Costa Soares ’’Trix’’ hamutuk ho koordenador ba komisaun Organizador 20 Agostu nian hamutuk ho estrutura tomak,husi liñas Ministeriais sira hotu,Xefe Divizaun no seksaun sira hala’o enkontru iha Auditorium Kuartél Jenerál Fatuhada Dili.

Iha enkontru ne’e parte ida mós hodi halo preparasaun no mos apresenta planu sira no aktividade sira ne’ebé mak sei realiza iha serimonia komemorasaun loron FALINTIL 20 Agostu ba dala-51 iha Suku Abu, Postu Administrativu Kelikai,Munisipiu Baucau.

Serimonia refere realiza iha foho matebian atu sai momentu refleksaun no perigrinasaun atu fortalese memoria históriku ba Timor-Leste kona ba akontesimentu ne’ebe invade iha tinan atus ida liu ba,portantu serimonia ne’e sei responsabiliza husi Ministeriu Defeza no FALINTIL-FDTL hodi organiza serimonia aniversariu 20 Agostu 2026 ba dala-51 inklui apoiu mos husi liñas Ministeriais sira hotu.

Partisipa iha enkontru ne’e hanesan Xefe Estadu Maior F-FDTL,Estrutura komisaun Organizador 20 Agosto, Ministériu Defeza,Ministériu Admistrasaun Estatal, Ministériu Kombatente Libertasaun Nasional, Ministériu Justisa, Ministériu Edukasaun, Ministériu Interior, Ministériu Negosiu Estrangeiru no Kooperasaun, Ministériu Turismu,AMRT,PNTL,inklui mós Xefe Divizaun no Seksaun husi F-FDTL.

Ekipa Média F-FDTL