Médiku F-FDTL Junta ho Médiku husi Sentru Saúde Munisípiu Baucau fó Asisténsia Saúde Bá Komunidade Suku Samalari
05 Agostu 2025
Média-F-FDTL), Tersa-Feira ne'e Komandu FALINTIL-Forsa Defeza Timor-Leste (F-FDTL) liu husi Dirasaun Saúde Militár(DSM) hamutuk ho Klinika Vetenarus David Alex Daitula, Hospital Rezionál Eduardo Ximenes (HOREX), Serbisu Munisipal Saúde Baucau (SMS), Sentru Saúde Tirilolo, Sentru Saúde Uailili no Marie Stopes fó Asisténsia Saúde ba Komunidade Suku Samalari Postu Administrativu Baucau Vila Munisípiu Baucau.
Repezentante Xefe Saúde Militár Alferes Edmundo Monteiro informa, aktividade konsulta saúde espesializada ho interasaun, hala'o tamba atu selebra aniversáriu loron Ezisténsia FALINTIL ba dala-50 ne'ebé sei realiza iha loron 20 fulan Agostu tinan ne'e. Tan ne’e Komandu F-FDTL hamutuk ho Ministériu Saúde halo asistensia Médiku ba Komunidade sira iha área rural ne'ebé susar atu asesu ba centru saúde sira.
"tamba ita nia populasaun sira iha área remotas difisil atu asesu ba Saúde tamba distansia dok, entaun ita servisu hamutuk Saúde sira iha Minisipiu lori Doutor espesializada besik mai iha ne'e para komunidade senti hetan tramentu espesializada" Hateten Sefi ekipa DSM.
Iha Fatin hanesan Reprezentante Prezidente Autoridade Munisípiu Baucau Atuál hanesan Diretór servisu Munisípál saúde Baucau Cristiano Cipriano Belo hateten, ekipa kunjunta hala'o konsulta moras área espesializada hanesan ruin, ibun, tilun, matan no mós inan-feton sira.
Xefe aldeia Costantinho do Espirito Santo no Komunidade Evangelino Fraga senti kontenti no apresia tebes ba programa husi F-FDTL no Ministériu Saúde ne'ebé halo kusulta Saúde espesializada iha aldeia refere tamba sira bele hetan tramentu no simu aimoruk husi pesoál saúde sira.
" ami husu obrigadu ba saúde no F-FDTL tamba katuas sira la'o lahatne ba hospital bele halo tratamentu besik iha aldeia, ami kontenti tebes, ami povu ne'ebé moras ajuda ona lori ai moruk mai ami nia suku, antes ami ba fasilidade saúde la'o kilo haat hanesan ne'e,"
Ekuantu aktvidade konsulta espesializada ne'e hala'o durante loron ida no ekipa kunjunta mai husi saúde Militár komponente Terrestre Lanud,dotor espesialista husi hospital rejionál Eduardo Ximenes, servisu Munisípál saúde, Sentru tratamentu saúde veteranus David Alex Daitula.
Média F-FDTL
J'Silva/Evaristo
