Médiku F-FDTL Junta ho Médiku Munisípiu Dili Halo Teste Ba Membru Sira.

Kuartel Jenerál, 26 Fevereiru 2025

Médiku F-FDTL junta ho médiku husi Munisípiu Dili halo teste bá membru FALINTIL-Forsa Defeza Timor-Leste husi Komponente Área no Kuartel Jenerál atividade ne'e hala'o iha Kuartel Jenerál Fatuhada Dili.

Iha abertura ne'e Diretór Diresaun Saúde Militár Koronel Guido Oliveira hatete, hodi komandu F-FDTL nia naran ható agradese bá kooperasaun servisu hamutuk hodi halo teste oinsá ita bele deteta moras ne'ebé mak iha.

Husu ita boot sira nia partisipasaun ba ezarminasaun ida ne'e hele fó resultadu di'ak ba ita boot sira depois teste ida ne'e ida-idak sei iha nia dadus, nune'e karik médiku deteta moras ruma sei fó solusaun, labele hukfodak ba moras ne'e, sé hetan moras ruma ita boot sira husu obrigadu tanba deteta sedu, ho nune'e bele trata itu boot nia saúde, hodi nune'e labele senti ameasa bá vida"

Nia subliña tán, teste sira mak hanesan tuberkolójia. HIV , sifílis, dengue, ran-midar, kolestról, hirak ne'e hotu dalaruma la fó sinais mai ita, se la fó sinais, ita presiza teste para bele fó rezultadu mai ita, hodi nune'e bele halo tratamentu sedu ba ita ida-idak nia-aan.

Teste ida ne'e la'os bá tinan ida ne'e de'it ita sei sei kontinua halo tinan-tinan, servisu ida ne'e sai ita nia programa permanente. hakotu Koronel Oliveira

Iha sikun seluk Diretór Saúde Munisípiu Dili Sr.Mateus Pinto, mós senti orgullu boot tanba diresaun saúde Militár bele simu pedidu hodi servisu hamutuk neʼebé di'ak tebes no laos bá ne'e de'it maibé ita sei kontinua servisu hamutuk nafatin.

"Ita nia hakarak mak Forsa Nasaun ida nian bele ihu kondisaun ne'ebé di'ak bele iha kondisaun ne'ebé maximu para oinsá bele asegura Nasaun no povu Timor, ne'e importante, sela'e ita la halo Teste (Check-Up) tó tempu ruma moras naba-naban, Nasaun seluk bele dehan forsa ne'e halo de'it saida mak moras naba-naban de'it ne'e, ida ne'e labele akontese iha F-FDTL".

Teste ne'e hala'o durante loron lima, ne'ebé mai husi Médiku F-FDTL junta ho Mediku sira husi saúde Munisípiu Dili,  no teste ne'e kontinuasaun bá Komponente no Unidade sira.

Média F-FDTL