Mediku Militár Ho Pesoal Saúde Ainaro Fó Tratamentu Saùde Bá Komunidade Suku Maununo
Maununo,14 Outubru 2025
Relasiona ho Ezersísiu COBRA 25 ne'ebe realiza iha Munisípiu Ainaro, Postu Hatu-Udo, Suku Foho-Ailiku dadaun ne'e Komandu F-FDTL ekipa ida husi pessoal saúde F-FDTL junta ho pessoal saúde Munisípiu Ainaro halo tratamentu gratuita bá komunidade sira iha Suku Maununo.
Iha tratamentu espesializada ne'e hanesan konsulta jerál, nehan, xray, konsulta matan, no seluk tan.
Atividade konsulta ne'e hetan parsipasaun husi autoridade suku Maununo,Veteranus, inan aman, ferik katuas, joven inklui no labarik sira.
Hafoin halo tratamentu pessoal saúde F-FDTL mós halo sensibilizasaun kona-bá Moris saudavel bá estudante EBF Maununo oinsá atu prevene husi moras sira hodi moris saudavel nafatin.
Ekipa Média F-FDTL
Bonifácio Mendonça
