Tenente Jenerál Falur Rate Laek Partisipa Iha Serimónia Tomada De Pose Estrutura JFP-ADDD
Salaun CNE, 11 Abril 2026
Xefe Estadu Maior Jenerál F-FDTL partisipa iha serimónia importante organizadu husi Junta Força Política – Aliado Defende Direito Democrático (JFP-ADDD), ne’ebé marka momentu istóriku bá prosesu revisaun Konstituisaun República Democrática Timor-Leste tinan 2002.
Serimónia ne’e mak tomada de posse estrutura Komité Nasionál bá Revizaun Konstituisaun, ho objetivu atu fó oportunidade bá lideransa Nasionál no força politika sira atu servisu hamutuk hodi halo avaliasaun no atualiza lei inan Nasaun nian tuir nesesidade tempu ohin loron.
Tema serimónia nian, “Unidos ho Espírito Fraternidade Humana iha Revizaun Konstituisaun RDTL 2002, Rumo bá Verdadeira Prosperidade”, reflete vontade hamutuk husi lider sira atu hametin unidade nasionál no promove dezenvolvimentu sustentável bá Timor-Leste.
Iha serimónia ne'e Dr. Lucas Soares "Colibere" mak sai hanesan Prezidente estrutura (JFP-ADDD).
Serimónia ne'e hetan partisipasaun husi Prezidente Tribunal Rekursu Dr. Afonço Carmona, Xefe Estadu Maior Jenerál F-FDTL Tenente Jenerál Falur Rate Laek, Tenente Jenerál Reformado Lere Anan Timur, Brigadeiro Jenerál Reformado Filomeno Paixão de Jesus, Instituisaun Estadu, Igreja, lider politika nomós reprezentante sosiedade sivíl sira.
Media F-FDTL
2' Sargento Carceres
