Tenente Jenerál Falur Rate Laek Simu Vijita Husi Avo Ki'ik
Kuartel Jenerál, 03 Fevereiru 2025.
Xefe Estadu Maior Jenerál FALINTIL-Forsa Defesa Timor-Leste (F-FDTL), Tenente Jenerál Domingos Raúl "Falur Rate Laek" simu vijita kortezia husi Eis Embaixadór Japaun Iwao Kitahara "AVO KI'IK" Prezidente Asosiasaun Nipon Timor-Leste no atuál iha kna'ar fatin Kuartel Jenerál F-FDTL, Fatuhada, Dili.
Alende Prezidente asosiaisaun Nipon bá Timor-Leste eis embaixadór Iwao Kitahara hanesan mós Konsúl honoráriuTimor-Leste iha Tókyo Japaun dadaun ne'e servisu iha Embaixada Timor-Leste iha Japaun, iha Vijita ne'e akompaña mós husi Embaixadór atuál Tetsuya Kimura.
Iha surumutu ne'e koalia liu kona-bá planu sei prepara estudante balun husi F-FDTL atu bá estudu iha Akadémia Militár Japaun.
Antes termina sorumutu Tenente Jenerál Falur Rate Laek mós entrega livru ho títulu "Ilustrasaun Rekuperasaun no Konsiensializasaun" ne'ebé hakerek husi Tenente Jenerál rasik ho lian tolu hanesan Portugués,Tetun ho Inglesh, bá eis embaixadór Iwao Kitahara "Avo ki'ik" iha kna'ar fatin Kuartel Jenerál Fatuhada.
Média F-FDTL.
