Xefe Estadu Maior Jenerál F-FDTL Apoiu Nesesidade Didátiku Bá Eskola EBF Bitila

Raeoa, 27 Setembru 2025

Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek akompanha husi Prezidente Autoridade Rejiaun Administrativa Espsiál Oekusse Ambeno (RAEOA) Régio Servantes Romeia da Crus Salu, apoiu ekipamentus didátiku bá Eskola Bazika Filial Bitila, Bairu Bitila, Aldeia Manán, Suku Bene Ufe, Sub Rejiaun Nitibe, RAEOA.

Iha intervista Xefe Estadu Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek hateten, ne’e hola parte iha apoiu kooperasaun Sivil Militár nian, ne’e mak hanesan ohin ita fahe sasan sira ne’e bá estudante sira tamba sira maka futuru bá rai no Nasaun ida ne’e nian.

Sasan ne’ebé mak apoiu bá estudante sira kompostu husi, pasta, lapijeira, apagador, kadernu, farda desporto, bola nomós livru istória ninian ho titulu “Falur nia Semo no livru Istória Timor-Leste nian” Iha atividade ne'e partisipa husi Xefe Estadu Maior Jenerál F-FDTL Tenente Jenerál Falur Rate Laek, PA RAEOA Sr. Régio Servantes Romeia da Cruz Salu, Komandante PNTL RAEOA, Segundo Komandante Komponente Naval Kapitaun Fragata Guido Guterres, Adjunto Divijaun Lojistika Major Infantaria Grigório Soares, Autoridade Lokal, oan estudantes sira inklui mós Inan aman sira iha área refere.

Media F-FDTL

Carceres